Гэрэл зургийг MPA агентлагийн онцгой зөвшөөрөлтэйгөөр ашиглав

Олон үндэстний цагаачлалын визийн 2026 оны хөтөлбөрийн (ногоон карт) бүртгэл хаагдсан байна. 

Сонгон шалгаруулалт 2025 оны тавдугаар сард явагдахыг Америкийн Нэгдсэн Улс(АНУ)-ын Элчин сайдын яамнаас мэдээлэв.

2011 оноос хойш энэхүү сугалаагаар 1,200 гаруй монгол иргэн хууль ёсны дагуу АНУ-д цагаачилсан байдаг. 

Сануулга:

• Та сонгогдсон эсэхээ зөвхөн dvprogram.state.gov/ESC цахим хуудаснаас шалгах боломжтой. Таныг хөтөлбөрт сонгогдлоо гэсэн и-мэйл ирсэн бол хуурамч, залилан болохыг анхаарна уу.
• Өөрийн бүртгэлийн баталгаажуулалтын дугаараа хадгалж аваарай. 2025 оны тавдугаар сард та зөвхөн энэ дугаараар өөрийгөө сонгогдсон эсэхийг dvprogram.state.gov/ESC цахим хуудаснаас шалгах боломжтой.
• Хөтөлбөрт сонгогдсоноор та визийн ярилцлагад орох эсвэл виз авна гэсэн баталгаа биш гэдгийг санаарай. Тус хөтөлбөрөөс аль болох олон хүнд виз олгохын тулд нийт олгох боломжит визийн тооноос илүү хүн сонгогддог.
• “Ногоон картын сугалаа” хэмээн монголчуудын нэрлэдэг энэхүү хөтөлбөрөөс жил бүр 55,000 хүртэлх цагаачлалын визийг шаардлага хангасан хүмүүст олгодог.