Ocean Grey продакшн 11 жилийн ойн баяраа тэмдэглэж тоглолт хийх гэж буй талаараа өнөөдөр мэдээлэл хийв.
Тус продакшны уран бүтээлчдийн дуу болох "Эрмэгтэй", "Амбуу", "Leomini" зэрэг дуунуудыг сонсогчид сайн мэдэх билээ. Түүнчлэн дуучин Укагийн "Маргаашийн нар луу аялах уу", "Don`t stop", "Do it" зэрэг олон хит дуунууд дээр ажиллаж байжээ.
Тоглолтод Ocean Grey продакшны уран бүтээлчид болох AM-C, Becca, FOUX, Seryoja нар оролцох бол зочин уран бүтээлчдээр Канадын алдарт реппэр К`Maro болон продакшинтай хамтран ажилладаг UKA, Эрдэнэчимэг, Kiwi, Tatar, Vandebo зэрэг уран бүтээлчид оролцох юм байна.
Продакшны уран бүтээлчид тус бүр дунджаар 25-30 минутын үзүүлбэрүүд бэлдсэн байгаа учир тоглолт нэлээд урт болно. Түүнчлэн тоглолт 100% амьд хөгжмийн найруулгатай гэдгийг тоглолтыг зохион байгуулагчид онцолж байв.
Тоглолтын үүд 19:00 цагт нээгдэж, 20:30 цагт тоглолт эхэлж 3 цаг үргэлжлэх ба тасалбарыг Shoppy.mn, GS25 салбаруудаар худалдаалж байгаа юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!