Л.Амар: Төрөлжсөн хөрөнгө оруулалтын банк орж ирэх хууль эрх зүйн орчныг бүрдүүлсэн ч сонирхох гадаадын банк алга
Гадаадын банк оруулж ирснээр зээлийн хүүгээр бууруулах боломжтой гэдэг. Энэ асуудлаар Монголын Банкны Холбоо(МБХ)-ны байр суурийг тодрууллаа.
МБХ-ны Гүйцэтгэх захирал Л.Амар "Төсвийн зардлыг нэмэгдүүлээд байвал зээлийн хүү яаж буурах вэ. Бодлогын хүү буурч байж л зээлийн хүү буурна. Бодлогын хүү бол гол чиглүүлэгч нь. Мөн одоогоор Монголд салбараа нээх гэж байгаа банк алга. Байсан банкууд нь гараад явсан. Төлөөлөгчийн газрууд байсан ч өнгөрсөн жил хаагдлаа.
Төрөлжсөн хөрөнгө оруулалтын банк орж ирэх хууль эрх зүйн орчныг хоёр жилийн өмнө бүрдүүлсэн ч сонирхоод ороод ирэх банк алга. Өөрийнхөө үйлдлийг өөр нэгэн рүү чиглүүлж байгаа хэлбэр гэж харж байгаа.
Төсвийн зардлаа амласан ёсоороо Дотоодын Нийт Бүтээгдэхүүн(ДНБ)-ий 25 хувьдаа аваачиж байж макро орчинд эерэг дүр зураг гарч, зээлийн хүү буурах боломж олдоно" гэж хариуллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
