"Үлгэр" болж буй гадаадын банк
2020 оны үед Монгол Улсад гадаадын таван банкны төлөөлөгчийн газар үйл ажиллагаа явуулж байлаа. Бүгд боломж олдвол салбар болох хүсэлтэй. Тухайн үед гадаадын банкны тухай эрх зүйн орчин байхгүй байсан боловч нэг зүйл тодорхой байлаа. Тэр нь гадаадын банк төлөөлөгчийн газраа Монгол Улсад нэгээс доошгүй жил нээн ажиллуулснаар салбар байгуулах эхний шалгуураа давах байсан юм.
Тиймээс болзошгүй нөхцөл байдалд бэлтгэж, хууль батлагдчихвал гэсэн хүлээлттэй таван төлөөлөгчийн газар цаагуураа Монголбанк, Засгийн газраас гуйлгачилдаг байв. Харамсалтай нь манай бодлого тодорхойлогчид үзэл бодлын зөрчил, дотоодын банкнуудын лоббигоос үүдэн гадаадын банкны эрх зүйн байдлын тухай хуулийг хойшлуулсаар 2023 оны эхээр баталсан.
Батлагдсан хууль нь цэвэр өрсөлдөөний бус, дотоодын банкнуудыг хамгаалсан, олон улсад байхгүй заалттай хууль батлагдав.
2023 онд хууль батлагдахаас өмнө гурван төлөөлөгчийн газар Монголын зах зээлийг орхин одсон. Манай бодлого тодорхойлогчид ниргэсэн хойно нь хашхирав гэгчээр 2023 онд эдийн засгийн хөгжлийн сайд нь олон улсын индэр дээр Монгол Улсад банкаа байгуулаач гэж зарлаад, Хятад гүйж нэг хэлээд тусыг эс олов.
Одоо Монголбанкны ерөнхийлөгч нь Боао-ийн чуулган дээр бас Монголд банк нээвэл нээлттэй шүү гэж зарлан сууж байна.
Одоо сонгуулиас өмнө энэ асуудлыг ярихгүй нь ойлгомжтой. Тэгэхээр шинэ парламент авч хэлэлцэх байх. Хэзээ бол?
Уг нь олон улсын банк Монголд орж ирснээр шинэ технологи, ноу-хау, шинэ бүтээгдэхүүн орж ирж, дотоодын банкнуудын хүрч амжаагүй буланд хүрч ажиллаж, дутагдалтай байгаа хөрөнгө оруулалтыг нэмэгдүүлж, шударга өрсөлдөөн нэмэгдэхэд туслах юм.
УИХ ойрын хугацаанд бодлогоо сайжруулж, хууль эрх зүйн таатай орчноор хангаж өгөхгүй бол үлдсэн хэд нь нутаг буцвал хэнийг хуйх вэ?
Гадаад валют яагаад хязгаарлав?
Санхүүгийн соёл ба иргэдийн ухамсар
Цемент дагаж байрны үнэ буурах уу?
Зээл ашигтай юу, хадгаламж ашигтай юу?
Долларын хадгаламж ашигтай юу?
