ПАРИС 2024: Бөхийн төрлүүдээр АНУ 16, Япон 13 хүний бүрэлдэхүүнтэй оролцоно
Олимпын төрлүүдээс монголчуудын хувьд хамгийн олон медаль хүртсэн нь чөлөөт бөх билээ.
Тэгвэл энэ жилийн олимпод бөхийн төрлүүдэд 290 тамирчин медалийн төлөө өрсөлдөнө. Тодруулбал чөлөөт бөхийн төрөлд зургаа, эмэгтэй бөхийн төрөлд зургаа, сонгомол бөхөөр зургаан жинд өрсөлдөх юм.
Эрэгтэй, эмэгтэй чөлөөт бөх болон сонгомол бүх жинд өрсөлдөх ганц баг нь АНУ-ын шигшээ баг. Сэм авгын 16 бөх Парисын дэвжээнд зодоглох бол араас нь Япон 13 хүний бүрэлдэхүүнтэй Францыг зорих аж.
Хамгийн олон хүний бүрэлдэхүүнтэй баг:
| УЛС | ЭРЭГТЭЙ | ЭМЭГТЭЙ | СОНГОМОЛ | НИЙТ |
| АНУ | 6 | 6 | 4 | 16 |
| Япон | 4 | 6 | 3 | 13 |
| Азербайжан | 6 | 1 | 5 | 12 |
| БНХАУ | 4 | 5 | 3 | 12 |
| Иран | 6 | 6 | 12 | |
| Египет | 3 | 6 | 2 | 11 |
| Турк | 2 | 6 | 3 | 11 |
| Куба | 3 | 2 | 5 | 10 |
| Киргизстан | 3 | 3 | 4 | 10 |
| Монгол | 3 | 6 | 9 | |
| Украин | 3 | 3 | 3 | 9 |
МОНГОЛЫН БАГИЙН БҮРЭЛДЭХҮҮН
ЧӨЛӨӨТ БӨХ (9)
- Эрэгтэй 65 кг: Төмөр-Очирын Тулга
- Эрэгтэй 86 кг: Бямбасүрэнгийн Бат-Эрдэнэ
- Эрэгтэй 125 кг: Мөнхтөрийн Лхагвагэрэл
- Эмэгтэй 50 кг: Долгоржавын Отгонжаргал
- Эмэгтэй 53 кг: Батхуягийн Хулан
- Эмэгтэй 57 кг: Болдсайханы Хонгорзул
- Эмэгтэй 62 кг: Пүрэвдоржийн Орхон
- Эмэгтэй 68 кг: Энхсайханы Дэлгэрмаа
- Эмэгтэй 76 кг: Энх-Амарын Даваанасан
Энэ удаагийн олимпын эмэгтэй төрөлд Литва, Алжир, Шинэ Зеланд, Узбекистан анх удаа өрсөлдөж байгаа бол сонгомол бөхийн төрөлд Хондурасын ганц дайчин анх удаа хүч үзнэ. Харин чөлөөт бөхийн төрөлд Доминиканы 97 кг-д хүч сорих Луис Мигуэль Перес улсаа төлөөлөн анх удаа оролцоно. Тэрбээр Пан Америкийн Аварга Шалгаруулах Тэмцээнээс эрхээ авсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
13 СЭТГЭГДЭЛТЭЙ
|
