ЕТГ-ын дарга Г.Занданшатарын "анхны" ажил
УИХ-ын дарга асан Г.Занданшатар Ерөнхийлөгчийн Тамгын Газрын даргаар томилогдоод буй.
Тэрбээр УИХ-ын сонгуулийн 1-р тойрогт нэр дэвшин өрсөлдсөн ч хангалттай санал авч чадалгүй парламентын гадна үлдсэн.
Ерөнхийлөгчийн Тамгын Газрын даргаар ажиллаж байсан Я.Содбаатар МАН-ын Ерөнхий нарын бичгийн даргын албыг хашиж намын гал тогоог барих болсноор түүний хашиж байсан албан тушаалд Г.Занданшатарыг томилсон.
Тэгвэл Г.Занданшатар шинэ албан тушаалд очсоноос хойш өнөөдөр анх удаа "ил гарч" ирлээ.
Улсын баяр наадмын өмнө Ерөнхийлөгч нэр бүхий эрхмүүдэд одон, медаль хүртээдэг. Энэхүү уламжлалын дагуу Төрийн ордонд өнөөдөр шагнал гардуулах үеэр ЕТГ-ын дарга Г.Занданшатар ажлаа хийж байгаа нь гэрэл зурагт ийнхүү буужээ. Тэрбээр Үндэсний аюулгүй байдлын зөвлөлийн Нарийн бичгийн дарга А.Бямбажаргалын хамт төрийн далбааны өмнө зогсож байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
23 СЭТГЭГДЭЛТЭЙ
|
