СЕХ: Бие даан нэр дэвшигчид 801 хүний гарын үсгийг цахимаар цуглуулах боломжтой
Энэ удаагийн сонгуулиар бие даан нэр дэвшигчид 801 хүний гарын үсгийг цахимаар цуглуулах боломж бүрдэж байгаа талаар Сонгуулийн Ерөнхий Хороо(СЕХ)-ноос мэдээллээ.
Монгол Улсын Их Хурлын 2024 оны ээлжит сонгуулиар нэр дэвшүүлэх ажиллагаа маргааш буюу тавдугаар сарын 14-өөс эхлэн тавдугаар сарын 20-ны өдрийг дуустал долоон өдөр үргэлжлэх юм.
Нэр дэвшигч бүртгүүлэх, баримт бичиг болон нэр дэвших хүсэлтээ сонгуулийн мэдээллийн нэгдсэн сан e-election.mn цахим системээр илгээх боломжтой.
Бие даан нэр дэвшүүлэгч нь сонгуулийн тойргийн 801-ээс доошгүй сонгогчийн гарын үсэг зуруулахаар хуульчилсан байна.
Сонгуулийн тухай хууль
31.2.Бие даан нэр дэвшүүлэгч нь Сонгуулийн ерөнхий хорооноос баталсан маягтад тухайн сонгуулийн тойргийн 801-ээс доошгүй тооны сонгогчдын гарын үсгийг зуруулна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
