ФОТО: Уран нислэгийн үзүүлбэр, цэргийн парадтай Монгол Улсын нисэх хүчний 100 жилийн ойн ёслол
Монгол Улсад нисэх хүчин үүсэж хөгжсөний 100 жилийн ой өнөөдөр (2025.05.25)-нд тохиож байна.
Түүхт ойн өдрийг тохиолдуулан уран нислэгийн Стрижи баг Миг-29 онгоцоо хөлөглөн агаар зүсэн тэмүүлэх нислэгийн үзүүлбэрээ толилуулсан юм. Мөн энэ үеэр баярын арга хэмжээнд зориулсан Цэргийн ёслолын парад алхлаа.
Үүний зэрэгцээ нисэх хүчин, иргэний нисэхийн он цагийн түүх, бахархлыг харуулсан үзэсгэлэн Буянт-Ухаа нисэх онгоцны буудалд нээлтээ хийв.
Үзэсгэлэнд нисэхийн салбартай холбоотой нийт 32 байгууллагын 1,000 орчим зураг үзмэрүүд багтжээ.
Зам, тээврийн яамны Төрийн нарийн бичгийн дарга С.Батболд "Бидэнд бахархам олон амжилт бий. Та бүхний энэ бүх ололт амжилт түүх болон үлдэж, эдгээр самбарт буусан байна.
Үзэсгэлэнд тавигдсан бүхий л үзмэрүүд, түүхэн он цагийн хэлхээсүүд нисэхийн салбартай зүрх сэтгэлээ холбосон үе үеийн ажилтан алба хаагч та бүхний хичээл зүтгэлийн үр дүн юм шүү" гэлээ.
Зам тээвэр, хөгжлийн сайд Б.Дэлгэрсайхан "Түүх сөхвөл бидэнд бахархах олон амжилт байна.
Ирэх есдүгээр сараас Улаанбаатар-Москвагийн шууд нислэгийг үйлдэхээр төлөвлөж байна.
Мөн агаарын зайг шинэчилж, навигацийн үнэлгээг долоон жилийн дараа бид нэмэгдүүлж чадлаа. Агаарын тээврийн паркийн шинэчлэлийг хийж Монгол Улсад болон гадаад улс орнуудад бүртгэлтэй нийт 63 хөлөгтэй болсон байна" гэдгийг хэлж байсан.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
