"Moon Dance" хамтлаг Латин формейшн бүжгийн ДАШТ-д оролцоно

Энэ жилийн "Латин Формейшн бүжгийн ДАШТ’’-д Moon Dance хамтлаг Монгол улсаа төлөөлөн оролцохоор Хонконгийг зорилоо. Moon Dance хамтлаг 2022 оны ДАШТ-ий дэд аваргын цомыг хүртэж Монголынхоо нэрийг гаргасан юм. 

ДАШТ арванхоёрдугаар сарын 18-нд зохион байгуулагдах ба багийн нийт гишүүд тэмцээндээ бэлтгэн БНХАУ-ын Шэнжэн хотод бэлтгэлээ хийж байна. Тэд тэмцээний бэлтгэлээ эртнээс эхлүүлж 1 дүгээр сараас хойш сэдэв сонголт, зохион байгуулалт дээрээ ажилласан байна. 

Багийн тамирчид сошиал медиад төдийлөн их цаг гаргаж чадахгүй ч үзэгчдэдээ тэмцээний талаар влог бэлтгэн хүргэж, цаг үеийн мэдээллээсээ хуваалцаж байна гэдгээ хэллээ. 

“Мооn dance”-ийн хамт олон өөрсдийн үйл хэргээрээ дамжуулан олон нийт хүүхэд залуусыг аливаа спортоор хичээллэхэд нь урам зориг өгөхийг хичээдэг. Тэдний энэ удаагийн тэмцээнийг “Sain Electronics” дэмжиж оролцож байгаа ажээ.

 

Энэ жилийн тэмцээнд оролцох шинэ үзүүлбэр, дэглэлтийн талаарх мэдээлэл удахгүй олон нийтэд нээлттэй болно гэж хамтлагийн зүгээс мэдэгдлээ. 

Энэ жилийн тэмцээний талаарх мэдээлэл болон ДАШТ-ий шууд дамжуулалтыг Moon dance болон Sain electronics-ийн албан ёсны фэйсбүүк хуудсаар цаг алдалгүй авах боломжтой. 

Баг тамирчдадаа амжилт, ялалтын дээдийг хүсье.