Долоо хоногийн хугацаанд 435 хүн халтирч унаснаас бэртэж, эмнэлгийн тусламж авчээ
Сүүлийн өдрүүдэд цас ихээр орж, авто болон явган хүний зам, нийтийн эзэмшлийн талбайд үүссэн халтиргаа гулгаанаас үүдэлтэй бэртэж гэмтсэн иргэдийн тоо нэмэгдэх хандлагатай байгааг Гэмтэл Согог Судлалын Үндэсний Төв(ГССҮТ)-өөс мэдээллээ.
Тодруулбал цас орсон эхний өдөр буюу аравдугаар сарын 3-10-ны өдрийн хооронд халтирч унаж бэртсэн нийт 435 хүн ГССҮТ болон салбар эмнэлгийн Яаралтай тусламжийн тасагт тусламж үйлчилгээ авсан байна. Үүнээс
- Төв эмнэлэгт 357
- Салбар эмнэлэгт 78 хүнд яаралтай тусламж үйлчилгээ үзүүлжээ.
Сүүлийн гурав хоногийн байдлаар үйлчлүүлж буй иргэдийн тоо хоёр дахин өссөн үзүүлэлттэй байгаа аж. Тухайлбал, халтиргаа гулгаанаас үүдэлтэй бэртэж гэмтсэн иргэдийн тоо энэ сарын 7-ны өдөр 39, 8-ны өдөр 86 байсан бол, 9-ний өдөр 88 хүн ГССҮТ-д яаралтай тусламж үйлчилгээ авав.
Мөн энэ сарын 3-10-ны хооронд осголт, хөлдөлтийн шалтгаант тохиолдол нийт 18 байгаа аж.
Иймд иргэд та бүхнийг мэргэжлийн байгууллагуудаас өгч буй зөвлөмжийг дагаж мөрдөх, эрүүл аюулгүй байдлаа хангах үүднээс болзошгүй эрсдэлээс урьдчилан сэргийлэхийг зөвлөж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
18 СЭТГЭГДЭЛТЭЙ
|
