Допинг илэрсэн бөх Б сорьцын хариутайгаа өнөөдөр танилцжээ
Үндэсний их баяр наадмын хүчит бөхийн барилдаанд шөвгөрсөн нэг бөхөөс допингийн төрлийн бодис илэрсэн талаар наадам зохион байгуулах комиссоос мэдээлсэн.
Шөвгөрсөн нэг бөх БНСУ-ын лабораторид өөрийн биеэр очиж, өнгөрсөн долоо хоногт Б сорьцынхоо тагийг нээж шинжилгээнд оруулсан. БНСУ-ын лаборатори тухайн бөхийн Б сорьцын шинжилгээний албан ёсны хариуг гаргажээ. Тухайн бөх өөрийн Б сорьцтойгоо өнөөдөр танилцсан байна.
Үндэсний их баяр наадмын зохион байгуулах комисст албан ёсны хариу өнөөдөр хүргэгдэж байгаа юм байна. Ингэснээр допинг илэрсэн бөхийн Б сорьцын шинжилгээний хариуг албан ёсоор нийтэд нээлттэй зарлахыг эх сурвалж мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
