"Шувуу ажиллагааны хүрээнд гаднын орнуудаас зарим хүнийг авчрах ажил хийгдэж байна"

Гэрэл зургийг MPA агентлагийн онцгой зөвшөөрөлтэйгөөр ашиглав

Авлигын эсрэг Шувуу ажиллагааны ажлын хэсгийг ахлан ажиллаж байгаа хууль зүйн сайд Х.Нямбаатар гаднын улсаас хэчнээн хүнийг авч ирээд байгаа талаар сэтгүүлчийн асуултад хариулав.

"Шувуу ажиллагааны хүрээнд анх 127 хүнийг авчрах тухай мэдээлж байсан бол одоо 50-аад хүн болсон, хоног тутамд мэдээлэл авч байна.

Хэд хэдэн улсаас зарим хүнийг авчрах ажил шат дараатай хийгдэж байна. Бид гаднын улс оронд очоод эрүүгийн хэрэг хянан шийдвэрлэх ажиллагаа явуулах хууль эрхзүйн боломжгүй.

Ажлын хэсгийн гишүүн Т.Сүхболд ЦЕГ-ын газрын даргаар томилогдлоо. Түүний оронд хүн томилсны дараа шувуу ажиллагааны талаар мэдээлэл өгнө" гэв.