Улаанбаатар инновацын төвийн стартап компаниуд татварын хөнгөлөлт эдлэх боломжтой боллоо
Улаанбаатар инновацын төвийн стартап компаниуд татварын хөнгөлөлт эдлэх боломжтой боллоо.
Инновацын тухай хуулийн 16.4.1-д "Технологи дамжуулах төв, эсхүл хамтын оффист гишүүнчлэлээр бүртгүүлсэн гарааны компани болон программ хангамжийн үйлдвэрлэл, хөгжүүлэлтийн чиглэлээр үйл ажиллагаа явуулдаг аж ахуйн нэгжийг төрөөс татварын бодлогоор дэмжих" тухай заалтыг хэрэгжүүлэх журам Засгийн газрын 2023 оны 39 дүгээр тогтоолоор батлагдсан.
Тус журмын хүрээнд Нийслэлийн Бизнес инновац хөгжлийн газар Боловсрол, шинжлэх ухааны яамтай хамтын ажиллагааны гэрээ байгууллаа. Ингэснээр Улаанбаатар инновацын төвийн стартап компаниуд төслөө хэрэгжүүлэх хугацаандаа Инновацын тухай хууль, Гаалийн болон Нэмэгдсэн өртгийн албан татвараас чөлөөлөх тухай болон бусад хууль тогтоомжид заагдсан хөнгөлөлт, чөлөөлөлтийг эдлэх боломжтой болж байгаа аж.
Эх сурвалж: Нийслэлийн бизнес инновац хөгжлийн газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
