Д.Энхжаргал: IELTS, SAT зэрэг олон улсын шалгалтын оноогоо ЭШ-ын үнэлгээнд дүйцүүлэх 3,000 гаруй хүсэлт ирсэн
Олон улсад хүлээн зөвшөөрөгдсөн шалгалтын дүнг Элсэлтийн Шалгалт(ЭШ)-ын үнэлгээнд дүйцүүлэн тооцдог болсон.
Хүсэлт гаргасан хүүхдүүдийн дийлэнх нь IELTS, TOEFL, SAT зэрэг шалгалтын оноогоо ЭШ-ын үнэлгээнд дүйцүүлэхээр Боловсролын Үнэлгээний Төв(БҮТ)-д ханджээ.
БҮТ-ийн ЭШ хариуцсан ахлах мэргэжилтэн Д.Энхжаргал "SAT буюу Америкийн Нэгдсэн Улсын ЭШ-ыг хүүхдүүд сүүлийн үед маш их өгдөг болсон. Энэ шалгалтын математик, англи хэл шалгалтыг дүйцүүлэх нь их байна.
Энэ онд 3,000 гаруй хүүхэд шалгалтын оноогоо дүйцүүлэх хүсэлтээ өгснөөс 2,598 шалгуулагчийн дүн оноо дүйцсэн. Бусад нь ямар шаардлага хангаагүйгээс дүйцэгдээгүй.
Нийт хүсэлт гаргасан шалгуулагчийн
- 43.8 хувь нь IELTS
- 41.3 хувь SAT шалгалтын оноогоо дүйцүүлэх хүсэлтээ өгсөн" хэмээв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
