Моханик хамтлаг дөрвөн жилийн дараа тайзнаа эргэн дуулна
Моханик хамтлаг дөрвөн жилийн дараа эргэн тайзнаа дуулах гэж байна.
Одоогоос 19 жилийн өмнө буюу 2004 онд Моханик хамтлаг анх ахлах сургуулийнхаа урлагийн үзлэгт дөрвөн гишүүний бүрэлдэхүүнтэй орсон цагаас эхлэн Монголын хөгжмийн урлагт өөрсдийн гэсэн өнгө төрхөөрөө хөл тавин орж ирсэн билээ.
Тус хамтлагийн “100-н ундаа” нэртэй анхны цомог тэдний болон тухайн үеийн өсвөр насны залуусын илэрхийлэл болж, шуугиан тарьж байсан түүхтэй.
Үүнээс хойш тэд амьд хөгжим сонирхогч залуучуудын дунд хайртай хамтлаг нь болж, хэд хэдэн бие даасан цомгоо гаргаж, тоглолтууд хийж байв. Хэсэг хугацаанд уран бүтээлээ завсарласан залуус дөрвөн жилийн дараа анхны бүрэлдэхүүнээрээ тайзнаа гарч, үнэнч сонсогчидтойгоо нэг оройг өнгөрүүлэхээр тоглолтоо зохион байгуулахаар болжээ.
Моханик хамтлагийн бүтээлүүдээс сонсох бол энд дарна уу.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
