Үндэсний их баяр наадмын бөхийн тааврын ялагчид мөнгөн шагналаа авлаа

Монгол өв соёлоо өвлүүлэн, хамгаалах, Монгол Улсад ёс зүйтэй, хариуцлагатай бөхийн таавар хөгжүүлэхэд хувь нэмрээ оруулах зорилгоор “Хай Пэймэнт Солюшнс” ХХК Үндэсний баяр наадмын бөхийн тааврыг амжилттай зохион байгуулж, эхний 15 байранд шалгарсан азтануудын мөнгөн шагналыг Hipay хэтэвчинд нь шилжүүлсэн байна.  

 

Энэ жилийн үндэсний их баяр наадмын бөхийн тааварт 60 оноо авч тэргүүлсэн О.Насанбаяр “Баяр наадмын үеэр найз бүсгүйнхээ Hipay аппликейшнийг ашиглаж бөхийн таавартаа оролцсон. Бидэнд гурван эрх байсан. Миний хувьд бөх сонирхогч учир гурван эрхийн маань нэг нь ийнхүү нэг сая төгрөгийн аз дагууллаа. Би Оюутолгойд ажилладаг, баяр наадмын үеэр Улаанбаатараас Ханбогд руу нисэхээсээ өмнөхөн ялагч болсноо мэдсэн. Үүнийгээ фэйсбүүкийнхээ сторид оруулж, найз нөхөдтэйгөө баяраа хуваалцсан. Энэ жилийн наадмын бөхийн тааварт үнэ төлбөргүй оролцоод сая төгрөгийн азтан болсондоо баяртай байна. Би Hipay апп-аар автобусны U-money карт цэнэглэдэгийг сайн мэднэ. Найз бүсгүй минь илүү сайн хэрэглэгч нь. Үндэсний өв уламжлалаа дээдлэн эрхэмлэж, хадгалж үлдэхэд хувь нэмрээ оруулж буй Hipay аппликейшнийхандаа баярлалаа” хэмээн сэтгэгдлээ хуваалцсан юм.

Харин 2-р байранд 47 оноогоор шалгарч, 500 мянган төгрөгийн азтан болсон оролцогч Г.Энх-Амгалан ярихдаа “Миний хувьд Hipay апп-аар дамжуулан Megaball лотерейд идэвхтэй оролцдог. Лотерейн тасалбараа авах гэж апп руугаа ороод бөхийн үнэ төлбөргүй, шагналтай таавар эхэлснийг харсан. Надад бөхийн тааварт оролцох нэг эрх байсан, таавраа ганцаараа бөглөсөн. Ялагчийн нэг болсноо Hipay фэйсбүүк пэйжээс харж мэдсэн, сэтгэгдэл өндөр байна” гэлээ.

Үндэсний их баяр наадмын бөхийн тааварт 43 оноо авч 3-р байранд шалгарч, 300 мянган төгрөгийн азтан болсон оролцогч бол 27 настай У.Гантулга юм. Тэрбээр бөхийн тааварт анх удаа оролцсон бөгөөд бөх сонирхогч ахтайгаа хамт таавраа бөглөжээ. Ингэхдээ бэлтгэл сайтай бөхчүүдийг сонгосон гэлээ. “Үзүүр, түрүүний бөхийн нэгээр М.Бадарч гарч ирэхэд тааварт ялжээ гэж баярласан. Hipay бөхийн тааврыг үнэн, шударга хэрэгжүүлсэнд баяртай байна” хэмээн ярилаа.

Hipay апп-ын бөхийн тааварт оролцогчид оноогоор 1-р байранд шалгарвал 1 сая, 2-р байранд 500 мянга, 3-р байранд 300 мянга, 4-15 хүртэлх байранд шалгарвал тус бүр 100 мянган төгрөг хожих боломжтой байсан бөгөөд тус апп-ын хэрэглэгчийн бүртгэл нь баталгаажсан оролцогчид нэг эрх, харин Hipay апп-д өөрийн дурын банкны картаа холбосон бол нэмж 2 эрх олгосон байна. Ижил оноо авсан оролцогчдыг тааварт оролцсон огноогоор эрэмбэлэн байр эзлүүлжээ.

 

Монгол Улсад анх удаа технологийн шийдэлд суурилсан сар шинийн бөхийн барилдааны бооцоот тааврыг өнгөрсөн 2 дугаар сард “Хай Пэймэнт Солюшнс” ХХК Hipay аппликейшнаараа дамжуулан амжилттай зохион байгуулж байсан юм. Мөн энэ жилийн Үндэсний их баяр наадмын бөхийн тааврыг ийнхүү үнэ төлбөргүй хэрэгжүүлж, хэрэглэгчдээ урамшууллаа.