ФОТО: Жүдочид гялалзсан "Бөртэ Чоно 2024"

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын Үндэсний Олимпын Хороо (МҮОХ)-ны тэргүүн дээд шагнал гардуулах "Бөртэ чоно 2024" ёслолын ажиллагаа өчигдөр Залаатын аманд байрлах "Аяан Залаат" зочид буудлын хүндэтгэлийн танхимд боллоо.

Спортын салбарын оны шилдгүүдийг шалгаруулаад 22 жилийн нүүр үзэж буй. 2002 оноос хойш өдийг хүртэл 21 удаа "Бөртэ Чоно" тодруулсан түүхтэй. 

Энэ удаагийн ёслолд Шилдгийн шилдэг тамирчин, шилжин явах цомын эзнийг спортын сэдвээр дагнаж бичдэг 57 сэтгүүлчийн саналаар тодрууллаа. 

Тэдний саналаар олимпын мөнгө, ДАШТ-ий алтан медальт Б.Баасанхүү 153 оноогоор шилжин явах цомын эзэн болсон бол хүндийн өргөлтийн ДАШТ-ээс огцом өргөлтөөр мөнгөн медаль хүртсэн М.Анхцэцэг 86, олимпын бус жингийн ДАШТ-ээс мөнгөн медаль хүртсэн С.Цэрэнчимэд 24 оноогоор шилдгээр тодорсон юм.

Эрэгтэйчүүдээс жүдогийн ДАШТ-ээс хүрэл медаль хүртсэн Л.Анхзаяа 70 оноогоор тэргүүлж, чөлөөт бөхийн Т.Тулга 57, марафонч Б.Сэр-Од 45 оноогоор "Бөртэ чоно"-ын эзэн боллоо. 

Энэ удаагийн шагналын ёслолд жүдогийнхон хамгийн олон "Бөртэ Чоно"-ыг атгасан. Шилдэг холбоо, дасгалжуулагч, шилдэг залуу тамирчин, оны шилдгүүд болон шилжин явах цомын эзэн боллоо.

БӨРТЭ ЧОНО 2024 

• Шилдэг олимпын танхим: Нийслэлийн Ерөнхий Боловсролын 69 дүгээр сургуулийн "Лондон 2012" олимпын танхим
• Шилдэг олимпын зөвлөл: Говьсүмбэр аймгийн "Антверпен" олимпын зөвлөл
• Шилдэг олимпын зүтгэлтэн: Ц.Раднаа (Хөнгөн атлетикийн ахмад тамирчин)
• Шилдэг спортын сэтгүүлч: Ж.Цэцэгмаа (Msports)
• Шилдэг бүтээн байгуулалт: Дархан-Уул аймгийн "United Arena" спорт цогцолбор
• Шилдэг ивээн тэтгэгч: Моннис групп, Kelme Brand
• Шилдэг шүүгч: Ц.Цогтгэрэл (бокс), Л.Одгэрэл (Хүндийн өргөлт) 
• Шилдэг дасгалжуулагч: М.Бундмаа (жүдо), Ц.Цогтбаяр (чөлөөт бөх)
• Шилдэг холбоо: Жүдо, Чөлөөт бөх, Таеквондо, Гимнастик, Жюү жицү
• Шилдэг паралимпын тамирчин: У.Сүрэнжав (таеквондо)
• Шилдэг залуу тамирчин: Т.Ариунзаяа (жүдо)
• Оны онцлох: "Mongolia House" төсөл хэрэгжүүлэгч "Хүслийн дуудлага" төрийн бус байгууллага
• Шилдэг баг: 3х3 сагсан бөмбөгийн баг
• Шилдэг эмэгтэй тамирчин: С.Цэрэнчимэд (чөлөөт бөх)
• Шилдэг эмэгтэй тамирчин: М.Анхцэцэг (Хүндийн өргөлт)
• Шилдэг эрэгтэй тамирчин: Б.Сэр-Од (Хөнгөн атлетик)
• Шилдэг эрэгтэй тамирчин: Т.Тулга (чөлөөт бөх)
• Шилдгийн шилдэг эрэгтэй тамирчин: Л.Анхзаяа (жүдо)
• Шилдгийн шилдэг эмэгтэй тамирчин, шилжин явах цом: Б.Баасанхүү (жүдо)     

ФОТО