Автомашины нүүрсэн яндан хулгайлдаг бүлэг этгээдийг баривчилжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн нутаг дэвсгэрт автомашины ил зогсоолд байрлуулсан "Тоёота-Приус" маркийн автомашины нүүрсэн яндан хулгайлдаг "Т", "Д", "Э" нарын гурван бүлгийн 12 этгээдэд холбогдох 27 гэмт хэргийг илрүүлэн шалгаж байгаа талаар Цагдаагийн байгууллагаас мэдээлэв.

Өнөөдрийн байдлаар хотын хэмжээнд "Тоёота-Приус" маркийн 133,235 тээврийн хэрэгсэл хөдөлгөөнд оролцож байгаагаас

• "Тоёота-Приус-20" маркийн тээврийн хэрэгсэл 67,456 буюу 50.6 хувь,
• "Тоёота-Приус-30" маркийн тээврийн хэрэгсэл 50,631 буюу 38 хувь,
• "Тоёота-Приус-40"маркийн тээврийн хэрэгсэл 15,148 буюу 11.3 хувийг эзэлж байна.

Энэ оны нэгдүгээр сарын мэдээллээр нүүрсэн яндангаа алдсан 21 гэмт хэрэг бүртгэгдсэнээс 17-г нь олж тогтоожээ.

Иймд цагдаагийн байгууллагаас "Тээврийн хэрэгслийнхээ нүүрсэн янданг бусдад зарж борлуулахгүй байх, машинаа хяналтын камертай бүс болон харуул хамгаалалтай орчинд байрлуулж, урьдчилан сэргийлэх шаардлагатай"-г иргэдэд зөвлөлөө.