Уншиж байна ...
ХУУЧИРСАН МЭДЭЭ: 2022/12/08-НД НИЙТЛЭГДСЭН

Нүүрстэй холбоотой 10 хүний хэрэгт яллах дүгнэлт үйлдэн шүүхэд шилжүүлжээ

Э.Намуунцэцэг, iKon.mn
2022 оны 12 сарын 8
iKon.MN
Зураг зураг

Нийслэлийн прокурорын газраас нүүрсний олборлолт, экспорт, боомтын нүүрс тээвэрлэлт, төлбөртэй холбоотой хэргүүдийн мөрдөн шалгах ажиллагаанд хяналт тавьж, 10 хүнд яллах дүгнэлт үйлдэн шүүхэд шилжүүлжээ.  Тодруулбал

Иргэн, ААН-үүдэд улс хоорондын тээврийн хил нэвтрэх тусгай зөвшөөрөл олгох боломж бүрдүүлсэн, тээврийн хэрэгслийн техникийн хяналтын үзлэгийн дүгнэлтийг бодитоор гаргаагүй зэргээр хахууль авсан удирдан албан тушаалтан болон ажилтнууд: 
  1. Автотээврийн Үндэсний төв” Төрийн өмчит үйлдвэрийн газрын Хөдөлгөөний удирдлагын хэлтсийн даргаар ажиллаж байсан "А",
  2. Хөдөлгөөний удирдлагын хэлтсийн мэргэжилтэн "М",
  3. Авто тээврийн хяналтын мэргэжилтэн "О" нар 
Иргэн, ААН-үүдийн автомашин, чиргүүлийг техникийн хяналтын үзлэгт орж, тэнцсэн мэтээр хуурамч мэдээллийг санд оруулсан удирдан албан тушаалтан болон ажилтнууд: 
  1. “Автотээврийн Үндэсний төв” Төрийн өмчит үйлдвэрийн газрын Тээврийн хэрэгслийн бүртгэл, техникийн хяналт, мэдээлэл технологи хариуцсан дэд захирлаар ажиллаж байсан "Б",
  2. Увс аймгийн Автотээврийн төвийн даргаар ажиллаж байсан "З",
  3. Техникийн хяналтын үзлэгийн инженер "А",
  4. Техникийн хяналтын үзлэгийн техникч "Б" 
Тээврийн хэрэгслүүдийн мэдээлэл, техникийн үзлэг, оношилгоог хийлгээгүйгээр “тэнцсэн” гэсэн дүгнэлтийг гаргаж, хахууль авсан удирдан албан тушаалтан болон ажилтнууд: 
  1. “Автотээврийн Үндэсний төв” Төрийн өмчит үйлдвэрийн газрын Цогтцэций салбарын даргаар ажиллаж байсан "Д",
  2. Авто тээврийн хяналтын мэргэжилтэн "О",
  3. Өмнөговь аймгийн Авто тээврийн төвд техникийн хяналтын үзлэгийн оношлогч инженер "Ш" нарт яллах дүгнэлт үйлдсэнийг УЕПГ-аас мэдээллээ.