ЧАНАР 64
ЧАНАР 70
ЧАНАР
ЧАНАР
ЧАНАР 31
ЧАНАР 30
ЧАНАР 19
ЧАНАР 50
ЧАНАР 29
ЧАНАР 32
ЧАНАР 66
ЧАНАР 115
ЧАНАР 40
ЧАНАР 38
ЧАНАР 45
ЧАНАР 23
ЧАНАР 24
ЧАНАР 23
ЧАНАР 77
"Монгол-Оросын хамтарсан III сургуулийн захиралд орос хүн нэр дэвшүүлж байгаа тухай түрэмгийлсэн захидлууд БШУЯ-нд ирсэн"
Монгол-Оросын хамтарсан гуравдугаар сургуулийн захирлаар орос хүн томилох тухай захидал БШУЯ-нд иржээ.
Мөн тус сургуулийг ОХУ-ын талд шилжүүлэх саналыг зарим эцэг, эх гаргаж, улмаар УИХ-д даргад хүргүүлсэн гэх мэдээлэл өмнө нь гарч байв.
Энэ тухай Боловсрол, шинжлэх ухааны сайд Л.Энх-Амгалан "Монгол-Оросын хамтарсан сургуулийг ОХУ-д шилжүүлэх хүсэлт өгсөн нь эх орноосоо нүүр буруулсан хэрэг.
Монголын төрийн өмчит тус сургуулийн захирлаар ийм хүнийг томил гээд орос хүний нэрийг яаманд бичгээр ирүүлсэн.Энэ бол манай улсын дотоод хэрэгт оролцсон үйлдэл гэдгийг салбарын сайдын хувьд Оросын элчинд сануулсан. Би буриадын боловсролын сайд биш. Туурга тусгаар Монгол Улсын Боловсролын сайд" хэмээн өөрийн цахим хуудастаа бичжээ.
"Би тусгаар тогтносон улсын Боловсролын сайд гэдгийг ОХУ-ын элчин сайдад анхааруулсан"
Мөн тэрбээр "25 дугаар суваг" телевизэд өгсөн ярилцлагадаа “Монголд шилжээд ирчихсэн, Монгол сургуулийг буцаагаад ОХУ-д үнэ төлбөргүй олгоё гэсэн захидал дээр гарын үсэг зурж байгаа монгол эцэг, эхчүүдийг би маш их гайхаж байна. Энэ асуудал бол эх орноосоо урвасан үйлдэл гэж ойлгох хэрэгтэй.
Уг сургууль нь 1992 онд Монголын хөрөнгөд шилжсэн бөгөөд хувьсах зардлын санхүүжилтээ ч Монголоос авдаг. Нийт зардлынх нь 70-80 хувь нь монгол эцэг, эхчүүдээс гарч буй төлбөр дээр тогтдог. Орос хэл дээр л хичээл заадаг Монгол сургуулийг Орос сургууль гэж ойлгох болохгүй. Хэлэх үг үнэхээр олдохгүй байна.
Монголын ард түмний өмчийг өөр улсын Засгийн газарт шилжүүлнэ гэдэг увайгүй үйлдэл хийх зүрхтэй монгол хүн байхгүй болов уу гэж хувьдаа бодож байна.
Түүнээс гадна энэ бол Монголын төрийн өмчит сургууль. Гэтэл ОХУ-ын талаас энэ сургуулийн захиралд орос хүн нэр дэвшүүлж байгаа тухай түрэмгийлсэн захидлууд ирсэн. Ингэж болохгүй. Монгол сургуулийнхаа захирлыг монголчууд мэдэж, томилох ёстой. Иймэрхүү маягаар Оросын тал Монголын дотоод хэрэгт оролцох бүдүүлэг үйлдэл гаргаж болохгүй.
Энэ сургуулийн үйл ажиллагаа гэрээ, дүрмээрээ явах ёстой бөгөөд ОХУ-ын талд шилжүүлэх шийдвэрийг УИХ, тэр дундаа УИХ-ын дарга гаргахгүй байх гэж бодож байна" хэмээн байр сууриа илэрхийлсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
