• 12 сарын 21, Бямба
|
Уншиж байна ...
Зураг
Зураг
ХУУЧИРСАН МЭДЭЭ: 2022/10/13-НД НИЙТЛЭГДСЭН

Богд хааны ордон музей нээлттэй өдрүүдээрээ өндөр настан, хөгжлийн бэрхшээлтэй иргэдэд үнэгүй үйлчилнэ

Г.Мөрөн, iKon.mn
2022 оны 10 сарын 13
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Богд хааны ордон музейн "Хааны ордны намар" уламжлалт нээлттэй өдрүүд энэ сарын 13-16-нд болж байна.

Энэ хугацаанд тасалбарын үнээ бууруулах, зоог барих уламжлал танилцуулах болон урлагийн тоглолт, номын нээлт зэрэг олон төрлийн арга хэмжээг зохион байгуулах аж.

Тодруулбал, Богд хааны ордон музейг зорин ирж байгаа үзэгчдээ зориулан энэ сарын 13-16-нд насанд хүрсэн хоёр үзэгч бүрийн нэгэнд нь үнэгүй буюу хоёр хүн тутамд тасалбарын үнийг 50 хувь хөнгөлж, өндөр настан, хөгжлийн бэрхшээлтэй иргэдэд үнэ төлбөргүй үйлчлэхээр болжээ. 

Богд хааны ордон музей нь том хүнд 8,000, харин хүүхдүүд үнэ төлбөргүй үйлчилдэг. Нээлттэй өдрүүдийн хүрээнд уг үнээс хөнгөлөх юм. 

Богд хааны ордон музейн ажилтны тайлбарласнаар "Нээлттэй өдрүүдийн хөтөлбөрт арга хэмжээ нь өнөөдөр болон маргааш үргэлжилнэ. Амралтын өдрүүдэд иргэдэд хөнгөлөлттэй үнээр үйлчилнэ" гэлээ.