"ЭМД-ын шимтгэл төлдөг иргэд улсын эмнэлэгт жилд гурван шүдээ үнэгүй эмчлүүлэх боломжтой"
Эрүүл мэндийн даатгалын сангаас зардлын төлбөрийг хариуцах тусламж үйлчилгээний төлбөрийн хэмжээ ЭМДҮЗ-ийн тогтоолоор зохицуулагддаг байна.
Иргэн даатгуулагч амбулаторийн амны хөндийн тусламж, үйлчилгээг улсын эмнэлэг, аймгийн болон дүүргийн нэгдсэн эмнэлэг болон төрийн өмчийн төрөлжсөн нарийн мэргэжлийн эмнэлгээс авах боломжтой.
ЭМД-ын сангаас жилд гурав хүртэлх шүдний цогц тусламж үйлчилгээг 100% санхүүжүүлдэг. Ингэхдээ нэг шүдний эмчилгээг 48,000 төгрөгөөр тооцдог хэмээн ЭМДЕГ-ын ОНХХ-ийн ахлах мэргэжилтэн Б.Доржханд хэллээ.
Өөрөөр хэлбэл ЭМД-ын шимтгэл төлдөг бол улсын эмнэлэгт гурван шүдээ үнэгүй эмчлүүлэх юм байна.
Түүнчлэн жирэмсэн эхийн хяналтын багцыг ЭМД-ын сангаас 100 хувь бүрэн хариуцдаг гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
