ФОТО: АН-ыг явуулж, ХҮН-ийг үлдээсэн МАН-ынхан
Гэрээгээ зөрчсөн улс төрийн намыг Засгийн газраас гаргах ёстой гэж МАН-ын Бага хурлын дийлэнх гишүүн үзэв.
"Засгийн газрыг огцруулахыг дэмжиж, гарын үсэг зурсан гишүүд аль намынх билээ. Тэр нам гэрээгээ зөрчсөн" гэж Бага хурлын нэгэн гишүүн хэлсэн. Бага хурлаас гаргасан тогтоолд аль нэг намын нэр заагаагүй ч дээрх гишүүний хэлснээр Ардчилсан Нам засгаас хөөгдөж байгаа аж.
2024 оны УИХ-ын сонгуулийн дүнгээр 126 гишүүнтэй парламент бүрдэж, олонх болсон МАН Засгийн газраа байгуулахдаа 42 суудал авсан АН, 8 суудалтай ХҮН намуудад хамтрах урилга хүргүүлсэн. Ийнхүү эрх баригч намын урилгаар АН 8, ХҮН 2 сайдтай болсон юм.
Гэвч сүүлийн үеийн улс төрийн нөхцөл байдал болон гүйцэтгэх засаглалын үйл ажиллагаанд шүүмжлэлтэй ханддаг АН-ын зарим гишүүн Засгийн газрыг огцруулах саналд гарын үсэг зурсан. Үүнийг Бага хурлын гишүүд хамтарсан Засгийн газрын гэрээг зөрчсөн гэж үзжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
