Уншиж байна ...

“МИАТ” ТӨХК Хөгжлийн Банкны зээлийн үлдэгдэл болох ₮10 тэрбумыг бүрэн төлжээ

Б.Билгүүн, iKon.mn
2022 оны 9 сарын 20
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

“МИАТ” ТӨХК 2022 оны есдүгээр сарын 19-ний өдөр Хөгжлийн Банкны зээлийн үлдэгдэл болох 443 сая иен буюу 10 тэрбум төгрөгийн төлбөрийг нэг дор шилжүүлж, зээлийн үлдэгдлээ хаажээ. Ингэснээр “МИАТ” компани төрийн өмчит компаниудаас зээлээ бүрэн барагдуулсан анхны компани болж байна.

Тус компани Засгийн газрын 2013 оны 137 дугаар тогтоолын дагуу АНУ-ын “БОИНГ” компаниас B767-300ER агаарын хөлөг худалдан авах гэрээ байгуулж, шаардлагатай санхүүжилтийн хүрээнд Монгол Улсын Хөгжлийн банкнаас зээл авсан. 2015 оны байдлаар нийт 15.1 сая ам.долларын зээлийн үлдэгдэлтэй байсан бөгөөд 2017 онд Самурай бондын санхүүжилттэй уялдуулан иенийн зээлд хөрвүүлжээ. Уг зээлийг төлөх эцсийн хугацаа нь 2022 оны арваннэгдүгээр сарын 25-ны өдөр байв.

Засгийн газраас баталсан тогтоолоор төрийн өмчит компаниудыг Хөгжлийн Банкны зээлийн эргэн төлөлтийг яаралтай барагдуулах чиглэл өгсний дагуу, мөн Сангийн яамнаас баримталж буй “Самурай” бондын төлбөрийг хугацаанаас нь өмнө төлж барагдуулах бодлогод нийцүүлж ийнхүү зээлийн төлбөрийг хугацаанаас нь хоёр сарын өмнө бүрэн төлж барагдуулсан байна.

 

Эх сурвалж: Хөгжлийн Банк