ХУУЧИРСАН МЭДЭЭ: 2022/09/02-НД НИЙТЛЭГДСЭН
"Түлш хэмнэгч бортогыг айл өрхүүдэд суурилуулах ажил үргэлжилж байна"
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Өвөлжилтийн бэлтгэл ажлын хүрээнд хийж гүйцэтгэж буй ажлын талаар Тавантолгой түлш компаниас мэдээлэв.
"Тавантолгой түлш" ХХК-ийн Хэрэглэгчдэд үйлчлэх албаны дарга Ч.Буянжаргал "Нийслэлийн хэмжээнд хамгийн их утаа ялгарч буй цэгүүдийг тогтоосон. Үүний дагуу түлш хэмнэгч бортогыг 30,000 айлд суурилуулах ажил маань наймдугаар сарын 15-нд эхэлсэн. Одоогийн байдлаар Сонгинохайрхан дүүргийн 10 дугаар хорооны 600 гаруй өрхөд энэхүү бортогыг суурилуулж байна. Түлш хэмнэгч бортого нь,
- Түлшний хэмнэлттэй
- Утааг бүрэн шатаана
- Угаарын хийн эрсдэлээс сэргийлэх давуу талтай" гэв.
Мэргэжлийн байгууллагын гаргасан судалгаагаар Хан-Уул дүүргийн Нисэх орчим, Сонгинохайрхан дүүргийн Толгойт, Баянгол дүүргийн Зурагтын баруун тал, Чингэлтэй дүүргийн Хайлааст, Таван буудал орчимд нийт 30,000 гаруй айлд түлш хэмнэгч бортогыг суурилуулж байна гэдгийг мэдээлэв.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
