Уншиж байна ...

Алтны экспорт 2.4 дахин өсөж, мах, малын дайвар бүтээгдэхүүнийх 87% буурчээ

Б.Жаргалмаа, IKON.MN
2022 оны 8 сарын 8
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Гаалийн ерөнхий газрын статистикаар Монгол Улсын гадаа худалдаа эхний долоон сарын гүйцэтгэлээр өмнөх оноос 31% өссөн ба 1.7 тэрбум ам.долларын ашигтай гарлаа.

Гол нэрийн барааны экспортын зарим үзүүлэлтийг харвал алтны экспорт өнгөрсөн оны мөн үеэс 2.4 дахин өсжээ. Эхний долоон сайрын байдлаар Монгол Улс 8.6 тонн алт экспортолсон байна. Гэвч энэ үзүүлэлтийг 2020 оны эхний долоон сартай харьцуулбал 54.5% буурчээ.

зураг
 
Эх сурвалж: ГЕГ

Малын мах, дайвар бүтээгдэхүүний экспорт өнгөрсөн хоёр жилд буурсан үзүүлэлттэй байна. Энэ оны эхний долоон сард нийт 1,100 тонн малын мах, дайвар бүтээгдэхүүн гаргасан нь өнгөрсөн оныхоос 87%, 2020 оныхоос 70% буурсан тоо юм. 

Монгол Улс 2021 оны сүүлийн хоёр сар гаруйн хугацаанд махны экспортыг зогсоогоод байв. Тэгвэл 2023 оны нэгдүгээр сарын 1-н хүртэл дулааны аргаар боловсруулсан мах экспортлохоо зогсоох шийдвэрийг Засгийн газраас гаргасан юм.