СОЁОЛОН: 11 настай Б.Намжилцогтын унасан халтар үрээ Төрийн наадамд түрүүлэв

Гэрэл зургийг MPA агентлагийн онцгой зөвшөөрөлтэйгөөр ашиглав

Ардын хувьсгалын 100, 101 жилийн ойн баяр наадмын соёолон насны морины уралдаан өндөрлөлөө.

Уралдаанд түрүү магнайд Ховд аймгийн Мянгад сумын уяач Батсуурийн Энхбаярын халтар үрээ орлоо. Энэ үрээг 11 настай Б.Намжилцогт унажээ. Уяач Б.Энхбаяр "Тод манлай уяач Т.Батзориг гуайн унаган адуу. Уралдаж байгаагүй, битүү адуу юм. Энэ жил би соёолон, даага, сонгомол дээд, дунд насанд хүлгээ уралдуулна. Өнөөдөр соёолон насаар эхлүүлж, түрүү магнай авлаа. Маш их баяртай байна" хэмээн сэтгэгдлээ хуваалцлаа.

Энэ насны хурдан морины уралдааны

 

Гэрэл зургийг MPA агентлагийн онцгой зөвшөөрөлтэйгөөр ашиглав

• Аман хүзүүнд Хөвсгөл аймгийн Галт сумын уяач Б.Отгонсэлэнгийн саарал үрээ орж ирлээ. 10 настай Б.Баттөгс саарал үрээг хурдлуулжээ.

 

Гэрэл зургийг MPA агентлагийн онцгой зөвшөөрөлтэйгөөр ашиглав

• Айргийн гуравт давхисан Хөвсгөл аймгийн Галт сумын уяач Н.Нацагдоржийн хээр халзанг 11 настай А.Батгэрэл унасан байна. 
• Айргийн дөрөвт Баянхонгор аймгийн уяач, Улаанбаатар хотын Сүхбаатар дүүргийн З.Жавхлангийн хүрэн үрээ давхисан бөгөөд 8 настай Б.Баттөр унажээ.

 

Гэрэл зургийг MPA агентлагийн онцгой зөвшөөрөлтэйгөөр ашиглав

• Айргийн тавт Архангай аймгийн Хотонт сумын уяач Д.Лхагвасүрэнгийн хул халзан үрээ орлоо. Хул халзан үрээг 11 настай Н.Билэгтсайхан унаж хурдлуулсан байна.