• 7 сарын 2, Бямба
Уншиж байна ...

Apple iOS 16 “цоожтой дэлгэц”-ийн ашиглалтыг сайжруулжээ

Р.Түвшин, iKon.mn
2022 оны 6 сарын 7
iKon.MN
Зураг зураг

Өчигдөр эхэлсэн Apple компанийн Worldwide Developers Conference жил тутмын хөгжүүлэгчдийн чуулганы үеэр тус компанийн мобайл үйлдлийн систем iOS-ын 16 дахь хувилбарт нэвтэрсэн шинэ боломжуудыг танилцуулжээ.

iOS 16 хувилбар одоо туршилтын шатандаа яваа бөгөөд ирэх намар зах зээлд нэвтрэх юм.

Шинэ хувилбарт нэвтэрсэн нэг том өөрчлөлт нь “Lock screen” буюу “цоожтой дэлгэц”-ийн ашиглалтыг сайжруулсан явдал болжээ.

Хүмүүс iPhone гар утасныхаа “Lock screen” дээр харагдах цагийн бичлэгийн хэлбэр, өнгийг янз бүрээр өөрчилж, бас хэд хэдэн дэлгэцийг нэг захаас нь нөгөө зах руу чирэх замаар сольж ашиглах боломжтой болсон байна.

Мөн төрөл бүрийн Widget-үүдийг цоожтой дэлгэцдээ байрлуулж ашиглах боломжтой болжээ. Нэг үгээр хэлбэл гар утас руугаа нэвтрэлгүйгээр дэлгэц дээрээс олон үйлдэл хийх боломжтой, дэлгэцийнхээ харагдах байдлыг олон янзаар өөрчлөх боломжтой болсон байна. Өөрчлөлтүүдийг бодитоор харахыг хүсвэл дараах видеог үзээрэй.

iOS 16 хувилбарын бусад шинэ боломжуудаас дурдвал:

  • Message app-аас илгээсэн мессэжээ засах, алдаа гаргасан бол буцаах
  • Дүрс бичлэгийг түр зогсоож байгаад харагдаж буй текстийг хуулж авах (Live text)
  • Гэр бүлээрээ фото зургаа нэг дор хуваалцах “shared photo library”
  • Зөвхөн Apple Watch бугуйн цаганд байсан Fitness app-ыг iPhone-д нэвтрүүлж, алхаа, хөдөлгөөнийг тоолдог болсон
  • iPhone-оо Mac компьютер дээр вэб камер болгон ашиглах “Continuity camera” боломж нэмэгдсэн байна.

 

Эх сурвалж: The Verge