15 дахь жилдээ үйл ажиллагаагаа явуулж буй Тотал Дистрибюшин ХХК 6 дахь удаагаа “Монгол Улсын Шилдэг 100 ААН”-ийн нэгээр шалгарлаа

БИД 350 гаруй ажилтантай бөгөөд үндэсний томоохон үйлдвэрлэгч болон дистрибютер компаниудын бараа бүтээгдэхүүнүүдийг 21 аймаг, 260 гаруй сумын бүрд, 6000 гаруй харилцагчдаар дамжуулан хэрэглэгчдийн гарт хүргэж байна.

БИД “Дэлхийн стандартыг Монголд” хэмээх эрхэм зорилгынхоо хүрээнд үйлчилгээ бүрийнхээ чанар, стандартыг хангаж, хурдан шуурхай үйлчилгээгээр үйл ажиллагаагаа байнга сайжруулсаар байна.

 

Үүнд:

1. Харилцагч, хэрэглэгч нарт бараа, бүтээгдэхүүнийг  хүнсний эрүүл ахуй, аюулгүй байдлын тээвэрлэлт, хадгалалт, түгээлтийн стандартыг бүрэн хангаж түргэн шуурхай хүргэн ажиллаж байна.
2. Орон нутгийн харилцагч, хэрэглэгчдэд үнийн нэмэгдэлгүй үйлдвэрлэгчийн үнээр худалдан авах боломжийг бий болгож, харилцагч, бэлтгэн нийлүүлэгч нартай үр дүнтэй хамтран ажиллаж байна.
3. Бараа бүтээгдэхүүний эрүүл, аюулгүй хадгалалтын стандартыг хангах, ажилчдын  хөдөлмөрийн аюулгүй байдал, тав тухтай ажиллах орчин нөхцөлийг бүрдүүлсэн оффис, агуулахын төслүүдийг амжилттай хэрэгжүүлж байна.
4. Нийгмийн хариуцлагын хүрээнд үйл ажиллагаандаа байгаль орчинд сөрөг нөлөөгүй, хорт утааг багасгах зорилготойгоор Евро-5 стандартын шатахуун зарцуулдаг тээврийн хэрэгслүүдээр 100% парк шинэчлэлт хийж байна.

 

БИД өнөөдрийн байдлаар орон нутагт 280 гаруй ажлын байрыг бий болгож, Монгол Улсын төсөвт сүүлийн 7 жилд нийт 25 тэрбум төгрөгийн татварыг төвлөрүүлж улс орныхоо хөгжилд хувь нэмрээ оруулсаар байна.

Ухаалаг ирээдүйн зүгт хамтдаа тэмүүлж, өнөөдрийн үнэ цэнийг бүтээлцэж буй нийт харилцагч, хамтран ажиллагч түнш байгууллагууд болон эрхэм ажилтнууд та бүхэндээ гүн талархал илэрхийлье.