Уншиж байна ...

Дэд хороо дөрвөн гишүүний бүрэн эрхийг түдгэлзүүлэхээс татгалзжээ

А.Төгөлдөр, iKon.mn
2022 оны 4 сарын 29
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав
эрэмбэлэх:   шинэ нь эхэнд хуучин нь эхэнд

12:26 2022/04/29

УИХ-ын гишүүний халдашгүй байдлын дэд хороо хуралдаж шийдвэрээ гаргажээ. 

Дэд хорооны гишүүдийн нууц санал хураалтын дүнгээр Н.Алтанхуяг, Г.Амартүвшин, Ё.Баатарбилэг, Х.Ганхуяг нарын дөрвөн гишүүний бүрэн эрхийг түдгэлзүүлэхээс татгалзсан байна. 

11:03 2022/04/29

УИХ-ын гишүүний халдашгүй байдлын дэд хорооны хуралдаан эхэлсэн байна.

Тус дэд хорооны хуралдаанаар Хөгжлийн Банктай холбоотой асуудлаар УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх тухай Улсын ерөнхий прокурорын саналыг хэлэлцэж буй. 

Өнгөрөгч Лхагва гарагт халдашгүй байдлын дэд хороо дөрвөн гишүүний бүрэлдэхүүнтэйгээр хуралдсан. Уг хуралд тус дэд хорооны дарга Н.Энхболд эрүүл мэндийн шалтгааны улмаас оролцоогүй юм.

Хуралдаанд дээрх гишүүдийг нэрсийн дарааллаар нэг нэгээр нь оруулан дэд хорооны гишүүд асуулт асууж, тайлбар авсан. Гэсэн ч ямар нэгэн шийдвэр гаргаагүй. Шалтгааныг нь тайлбарлахдаа "Бид шийдвэр гаргахын тулд итгэл үнэмшилтэй болох ёстой. Үүний тулд хангалттай мэдээлэлтэй болох ёстой. Тиймээс прокурор болон албаны хүмүүсээс нэмэлт тайлбар авах шаардлагатай байна. Мөн дөрвөн гишүүний бүрэлдэхүүнтэйгээр шийдвэр гаргаж болохгүй. Нууц санал хураалтаар санал тэнцэхээс болгоомжилж дэд хорооны даргыг ирэхээр хуралдаанаа үргэлжлүүлнэ" хэмээсэн. 

Тэгвэл УИХ-ын гишүүний халдашгүй байдлын дэд хорооны дарга Н.Энхболд өнөөдөр ажилдаа ирж, хурлаа үргэлжлүүлж байна. 

Дэд хорооны хурлын дараа Хууль зүй, Төрийн байгуулалтын байнгын хороодоор уг асуудлыг хэлэлцэнэ. Гэвч эхнээсээ хаалттай хуралдан, нууцаар санал хураалт явуулж буй уг асуудлыг дараа дараагийн байнгын хороод, чуулганы хуралдаанаар олон нийтэд нээлттэй явуулах эсэх нь тодорхойгүй байна. 

12:26 2022/04/29

УИХ-ын гишүүний халдашгүй байдлын дэд хороо хуралдаж шийдвэрээ гаргажээ. 

Дэд хорооны гишүүдийн нууц санал хураалтын дүнгээр Н.Алтанхуяг, Г.Амартүвшин, Ё.Баатарбилэг, Х.Ганхуяг нарын дөрвөн гишүүний бүрэн эрхийг түдгэлзүүлэхээс татгалзсан байна.