"Эрсдэлт бүлгийн хүмүүс халдвар авсан бол яаралтай эмнэлэгт хандаж, заавал эмчийн хяналтад байх шаардлагатай"

Гэрэл зургийг mpa.mn

Эрүүл мэндийн яамны өнөөдрийн хэвлэлийн хурлын үеэр ХӨСҮТ-ийн Эмнэлгийн тусламж, үйлчилгээ эрхэлсэн дэд захирал Ц.Чинбаяр мэдээлэл өглөө.

Тэрбээр “Омикрон хувилбар дэгдсэнээс хойш буюу он гарсаар халдвар авсан иргэдийн эмнэл зүйн байдлын авч үзэхэд,

• 45 хувь нь хөнгөн,
• 55 хувь нь хүндэвтэр,
• 10 хувь нь хүнд,
• 0.7 хувь нь нэн хүнд гэсэн оноштойгоор эмчлэгдэж байна.

ХӨСҮТ-ийн тухайд хүнд болон хүндрэх эрсдэл өндөртэй, хатгаатай хүмүүсийг хэвтүүлэн эмчилж байгаа. Үүнтэй холбоотойгоор ХӨСҮТ-д одоогоор байгаа өвчтөнүүдийн 60 орчим хувь нь эмнэл зүйн хүндэвтэр, 35 хувь нь хүндэвтэр, 10 хувь нь хөнгөн, 2.5 хувь нь нэн хүнд байна.

Омикроны үед өмнөх хувилбарт халдваруудын нэгэн адил эмчилгээ үзүүлж байгаа. Гэхдээ эрсдэлт бүлгийн хүмүүс Омикроны халдвар авсан тохиолдолд хүндрэх эрсдэл нь өндөр гэдгийг анхаарч, халдвараас сэргийлэх, халдвар авснаа мэдсэн бол яаралтай эмнэлэгт хандаж эмчийн хяналтад эмчилгээ хийлгэх шаардлагатай байна.

Шинээр илрэх халдварын тоо нэмэгдэхийн хэрээр хүнд болон нэн хүнд  хүмүүсийн тоо ч бага багаар нэмэгдсээр байгаа.

Биеийн байдал нэн хүнд байгаа хүмүүсийн ихэнх нь өндөр настай, хавсарсан өвчтэй байгаа учраас өндөр настай, хавсарсан хүмүүс халдвар авсан бол заавал эмчийн хяналтад эмчилгээгээ хийлгэх ёстойг хэлье” гэлээ.

ВИДЕО: