Уншиж байна ...
ХУУЧИРСАН МЭДЭЭ: 2021/10/19-НД НИЙТЛЭГДСЭН

"Телемидициний аргаар коронавирусийн халдварын дараах урт хугацааны сэргээн засах эмчилгээг гэр бүлд түшиглэн хийнэ"

Б.Билгүүн, iKon.mn
2021 оны 10 сарын 19
iKon.MN
Зураг зураг
НЭМГ

Нийслэлийн Эрүүл мэндийн газраас коронавируст “КОВИД-19” халдварын цочмог үе болон халдварын дараах сэргээн засах эмчилгээг телемидициний аргаар эмчлэх мэргэшсэн багийг бэлтгэхээр төлөвлөн ажиллаж байна.

Энэхүү мэргэшсэн баг нь телемидицинээр дамжуулан Эрчимт эмчилгээний тасагт коронавируст халдварын нэн хүнд болон хүнд хэлбэрийн оноштой хэвтэн эмчлүүлж буй өвчтөний цочмог үеийн сэргээн засах эмчилгээг хийх, мөн хөнгөн хэлбэрээр өвдсөн хүнд сэргээн засах эмчилгээг гэрээр хийлгэх аж.

Түүнчлэн телемидициний аргаар халдварын дараах урт хугацааны сэргээн засах эмчилгээг гэр бүлд түшиглэн хийхээр зорьж байгаа юм байна.

Уг аргыг нэвтрүүлэх нь эмнэлгийн тусламж, үйлчилгээний ачааллыг багасгах, өвчтөнүүдийн эмнэлэгт хэвтэх хугацааг богиносгох, өвчтөний чадвар алдалтыг сэргээж хэвийн амьдралдаа эргэн орох, амьдралын чанарыг дээшлүүлэх зэрэг чухал ач холбогдолтой хэмээн мэргэжилтнүүд үзжээ. 

 

Эх сурвалж: НЭМГ