УИХ-ын гишүүд хурууны хээгээр ирцээ бүртгүүлнэ
УИХ-ын гишүүдийн чуулганаас хоцордог, бүр тасалдаг байдлыг таслан зогсоох үүднээс ирцийг хурууны хээгээр бүртгэж байх гэнэ.
Уг ажлыг ирэх долоо хоногоос хэрэгжүүлэх бөгөөд ийнхүү бүртгүүлснээр гишүүд ирсэн цагийнхаа эрэмбээр асуулт асуух болон хариулах эрхээ авах аж. Ингэснээр гишүүдийн хэн нь түрүүлж кнопоо дарсан нь асуулт асуух эрх авдаг байсан тогтолцоог халах юм байна.
Түүнчлэн хурууны хээгээ баталгаажуулснаар УИХ-ын даргаас өөрийн картаа авах аж.
Хэд хоногийн өмнө УИХ-ын дарга ажлаа таслаад байгаа гишүүдээ хуралдаандаа ирвэл урамшуулна гэж хэлж байсан. Тэгвэл түүний энэ шагнал нь ирц бүртгэх шинэ систем байсан бололтой.
Ингээд ирэх долоо хоногоос гишүүд чуулганы нэгдсэн хуралдаанд асуулт асууж, саналаа хэлэхийг хүсвэл заавал хуралдааны цагтаа ирж байх хэрэгтэй болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
