"Коронавирусийн эсрэг вакцины нэг, хоёрдугаар тунг хийлгэсэн иргэдэд 50,000 төгрөг олгож эхэлсэн"

Гэрэл зургийг mpa.mn

Коронавирусийн эсрэг вакцины нэг, хоёрдугаар тунг хийлгэсэн иргэдэд 50,000 төгрөгийг өнөөдрөөс олгож эхэлжээ.

Засгийн газраас вакцины бүрэн тунг хийлгэсэн иргэдийг урамшуулах шийдвэр гаргаснаа өчигдөр зарласан билээ.

Өөрөөр хэлбэл иргэн бүрд 300,000 төгрөг олгосонтой адил зарчмаар 50,000 төгрөгийг шилжүүлж байгааг тодотгов.

Харин вакцины хоёр тунг хийлгэсэн эсэхийг e-Mongolia системийн мэдээлэлд үндэслэн баталгаажуулж байгаа аж.

Өнөөдрийн байдлаар вакцины хоёр тун хийлгэсэн 547,521 иргэн байна.

Урамшуулалд шаардагдах хөрөнгийг 2021 оны 7 дугаар сарын 1-ний өдрөөс өмнө худалдан авах ажиллагаа нь эхлээгүй, тэвчиж болох хөрөнгө оруулалтын төсөл, арга хэмжээний хэмнэлтээс гаргаж байгаа юм байна.