Уншиж байна ...
Зураг
Зураг
ХУУЧИРСАН МЭДЭЭ: 2021/01/11-НД НИЙТЛЭГДСЭН

IV цахилгаан станцын хүчин чадал арван аймгийн төвийг цахилгаан дулаанаар хангах дайны хэмжээгээр нэмэгдлээ

Б.Билгүүн, iKon.mn
2021 оны 1 сарын 11
iKon.MN
Зураг зураг
Гэрэл зургийг mpa.mn

Дөрөвдүгээр цахилгаан станцын өргөтгөлийн нээлт болж байна. 

Шууд үзэх: 

https://www.facebook.com/mongolulsiinzasgiingazar/videos/732023104375730

“ДЦС IV” ТӨХК-ийн турбогенератор №3-ын шинэчлэлтийн ажил дуусаж, ажиллагаанд залгалаа. Ингэснээр “ДЦС IV” ТӨХК-ийн цахилгаан эрчим хүч үйлдвэрлэх хүчин чадал 110 МВт-аар нэмэгдэж байна.

Энэ сарын 8-нд системийн оргил ачаалал 1,220 МВт хүрэхэд ДЦС-ын нийлбэр ачаалал 740 МВт-тай явж байсан ба ДЦС дангаараа хангасан. Өөрөөр хэлбэл төсвийн хүчин чадлын үр дүнд 89 МВт-аар нэмэгдэнэ гэдэг нь арван аймгийн төвийг цахилгаан дулаанаар хангах хэмжээний хүчин чадал нэмэгдэж байна. 

“ДЦС-4”-ийн төвийн эрчим хүчний системд эзлэх хувь өсөж, 63%-д хүрч байна. Дотоодоосоо цахилгаан эрчим хүчийг 98 хувь хангаж байна. Өөрөөр хэлбэл Монгол Улсын бүх дулааны болон цахилгаан станцууд нийлээд хоногт 25 мянган тонн нүүрс шатаадаг бол өнөөдөр “ДЦС-4” дангаараа хоногт 15 мянган тонн нүүрс хэрэглэж байна. Ийм том хэмжээнний хүчин чадал ашиглалтад орж, хүлээлгэн өгч байгаадаа баг хамт олны зүгээс сэтгэл өндөр байна хэмээн “Дулааны цахилгаан станц-4” ТӨХК-ийн   дарга Ү.Төмөрхуяг нээлтийн үеэр хэлэв.

Эрдэнэбүрэнгийн усан цахилгаан станцын гүйцэтгэгчийн сонгон шалгаруулалтыг энэ сарын 13-нд зарлах аж.