"ХӨСҮТ-ийн сүрьеэгийн тасгийн эмч коронавирусийн халдвараар өвчлөөгүй. Давтан шинжилгээний хариу сөрөг гарсан"
ХӨСҮТ-ийн Сүрьеэгийн тасгийн эмчээс коронавирусийн халдвар илэрсэн эсэх талаар ХӨСҮТ-ийн Тандалт, судалгааны албаны дарга А.Амбасэлмаа мэдээлэл өглөө.
Тэрбээр "Өчигдөр би 11:00 цагийн хэвлэлийн хурлаараа ХӨСҮТ-ийн эмчээс илэрсэн гэж мэдээлэл хийгээгүй. Батлагдсан тохиолдлыг 11:00 цагт албан ёсоор зарладаг. Тэгэхээр олон нийтийн сүлжээгээр яваад байгаа ХӨСҮТ-ийн эмчээс халдвар илэрсэн гэдэг мэдээ нь албан бус мэдээлэл юм. Манай сүрьеэгийн эмчийн эхний шинжилгээний сорьц эргэлзээтэй гарсан. Харин давтан буюу баталгаажуулах шинжилгээний хариу нь өнөөдөр сөрөг гарч байна.
Бид коронавирусийн халдвар авсан эсэхийг нь баталгаажуулж байж, баталгаатай эх сурвалжаараа зарладаг. Өөрөөр хэлбэл, сүрьеэгийн тасгийн эмч коронавирусийн халдвараар өвчлөөгүй буюу батлагдсан тохиолдол биш гэсэн үг" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
