Уншиж байна ...
Зураг
Зураг
ХУУЧИРСАН МЭДЭЭ: 2020/11/25-НД НИЙТЛЭГДСЭН

Илон Маскийн хөрөнгийн хэмжээ Билл Гэйтсийнхтэй тэнцэв

С.Мөнхцэцэг, ikon.mn
2020 оны 11 сарын 25
iKon.MN
Зураг зураг

Цахилгаан автомашин үйлдвэрлэгч Теслагийн хувьцааны үнэ ханш Даваа гарагт огцом өссөний дараа тус компанийн үүсгэн байгуулагч, гүйцэтгэх захирал Илон Маскийн хөрөнгө дэлхийд хоёрт бичигдэх хэмжээтэй болж нэмэгджээ.

Даваа гарагийн арилжааны үеэр Теслагийн нэгж хувьцааны үнэ $521.9 орчим байв. Оны эхнээс 524 хувь өсөөд байгаа нь энэ юм. Маскийн хөрөнгийн хэмжээ өнгөрсөн хугацаанд $100 орчим тэрбумаар нэмэгджээ.

Ирэх сараас Тесла компанийн хувьцаа Америкийн хөрөнгийн зах зээлийн S&P 500 индекст нэмэгдэхээр болж байна.

Дэлхийн топ 500 хөрөнгөтний чансааг үнэлдэг Блүүмбэргийн тэрбумтны жагсаалтад Илон Маскийн хөрөнгийн хэмжээг $127.9 тэрбум гэж шинэчилжээ.

Энэ нь Майкрософтыг үүсгэн байгуулагч, дэлхийн хоёр дахь хамгийн баян хүн Билл Гэйтсийн хөрөнгийн хэмжээтэй ойролцоогоор тэнцүү болж байна. Илон Маск нь Теслагийн 20 орчим хувийг эзэмшдэг ба энэ нь түүний хөрөнгийн гол эх үүсвэр юм.

Билл Гэйтсийн хувьд өнгөрсөн хугацаанд хүмүүнлэгийн үйлсэд их мөнгө зарцуулаагүй бол хөрөнгийн хэмжээ нь өнөөдрийнхөөс ч их байх байсан гэдэг.

Одоогоор $182 тэрбумын хөрөнгөтэй, Амазоны гүйцэтгэх захирал Жэф Безос манай гарагийн хамгийн баян хүнд тооцогдож байна.

 

Эх сурвалж: CNN