TOYOTA: "МӨРӨӨДЛИЙН МАШИН" 14 дэх удаагийн олон улсын хүүхдийн гар зургийн уралдаанаа зарлалаа

Хүүхэд бүр өөрийн гэсэн өхөөрдөм ертөнцтэй. Хүсэл мөрөөдөлтэй. Хэзээ ч дуусашгүй шинэлэг санааг тэд л сэддэг. Хязгааргүй уудмыг бяцхан оюундаа бүтээж чаддаг уран бүтээлчид юм.

“TOYOTA” корпорацын зүгээс уран бүтээлч хүүхдүүдийн сэтгэн бодох чадварыг хөгжүүлж, урлагаар дамжуулан өөрийгөө илэрхийлэх, ирээдүйн машины загварыг бүтээх, мөрөөдлөө цаасан дээр буулгах боломжийг олгодог “Dream Car” буюу “Мөрөөдлийн машин” гар зургийн уралдааныг 14 дэх жилдээ зарлаж байна.

Энэхүү гар зургийн уралдаан нь:

• Хүүхдүүдийн дотоод ертөнцөд орших бүтээлч чанарыг нээн илрүүлэх,
• Төсөөлөлдөө бүтээсэн мөрөөдлөө цаасан дээр буулгах,
• Өөрийнхөө зурсан урлагийн бүтээлээрээ дамжуулж дэлхийн өнцөг булан бүрд амьдардаг олон хүүхдүүдтэй танилцах, найзууд болох боломжийг олгодог.

“Мөрөөдлийн машин” гар зургийн уралдаан анх 2004 онд Азид зохион байгуулагдаж, анхны гараагаа тавьж байсан түүхтэй. Тэгвэл тус тэмцээн одоо хүрээгээ тэлж дэлхийн 100 орны олон мянган хүүхдүүдийн хүсэл мөрөөдөл шингэсэн уран бүтээлийг хүлээж авдаг болжээ.

Энэ хугацаанд “Мөрөөдлийн машин” гар зургийн уралдаанд дэлхийн зургаан сая гаруй хүүхэд бүтээлээ ирүүлсэн байна.

13 ДАХЬ УДААГИЙН “МӨРӨӨДЛИЙН МАШИН” ГАР ЗУРГИЙН УРАЛДААНЫ ШИЛДЭГ БҮТЭЭЛҮҮД

 

Б.Дөлгөөн-Эрдэнэ Хобби сургууль, 6-д анги

 

М.Оюу Шинэ-Үе сургууль, 7-а анги

 

Б.Никкол Монгени цогцолбор сургууль

 

А.Уянга Налайх дүүрэг, Эрдмийн Оргил сургууль, 4-3 анги

 

М.Амрита Хан-Уул дүүрэг, 32-р сургууль, 1-е анги

 

Ж.Номин-Эрдэнэ - Налайх дүүрэг, Эрдмийн Оргил сургууль, 1-а анги

 

Л.Мандахбаяр Баянгол дүүрэг, 3-р хороо

 

А. Амин-Эрдэнэ Баянгол дүүрэг, 20-р хороо

 

Г.Эрхэс Налайх дүүрэг, Эрдмийн Оргил сургууль, 4-1 анги

УРАЛДААНЫ УДИРДАМЖ

ОРОЛЦОХ НАСНЫ АНГИЛАЛ

• 7 нас хүртэлх
• 8-11 нас хүртэлх
• 12-15 нас хүртэлх

ШАГНАЛ

• Насны ангилал тус бүр дээр шилдэг 3 оролцогч, нийт 9 оролцогч - Дижитал зургийн таблет
• Шилдгийн шилдэг 1 оролцогч - Тэрэлжид 5 одтой амралтын газарт гэр бүлээрээ амрах 3 сая төгрөгийн эрх

БҮТЭЭЛД ТАВИГДАХ ШААРДЛАГА

• Цаасны хэмжээ: 400мм x 550 мм -ээс илүүгүй байх (Тохиромжтой хэмжээ А3)
• Мөрөөдлөө биелүүлэхэд чинь туслах машиныг төсөөлөн зурсан байх
• Өөрийн бүтээлийн санааг товч тайлбарласан нэр өгсөн байх
• Хар, цагаан зураасан ажилбарыг хүлээн авахгүй.
• Компьютер график ашигласан болон бусадтай хамтран зурсан бүтээлийг хүлээн авахгүй.
• Бүтээл хүлээлгэн өгөхдөө бүртгэлийн маягт бөглөж зургийн ард нааж өгөхийг анхаарна уу!

БҮТЭЭЛИЙГ 2021 ОНЫ 1-Р САРЫН 05-НЫГ ХҮРТЭЛ ДАРААХ ХАЯГУУДААР ХҮЛЭЭН АВЧ БАЙНА.

• Mongol Content LLC (ТЭДИ төвийн баруун талд, хуучнаар Марс төв)
• Toyota-Tavan Bogd /Таван Богд ХХК/ (Тээврийн цагдаагийн баруун талд)
• Toyota Mongolia Munkhada / Мөнххада / (Яармагийн зам дагуу, замын хойд талд)

Жич: Ирүүлсэн бүтээлийг уралдаан дууссаны дараа буцааж авах боломжтой.

Өөрийгөө сорьж бүтээлээ илгээхээр зорьж буй нийт хүүхдүүддээ амжилт хүсье. Хязгааргүй мөрөөдөөрэй.

“Мөрөөдлийн машин” гар зургийн уралдааны талаарх дэлгэрэнгүй мэдээллийг ЭНД дарж авна уу.