2020/09/26
Америк доллар
МОНГОЛ БАНК:
2,853.64₮
B30
УЛААНБААТАР
12°
|
B30
УЛААНБААТАР
11°
|
B30
УЛААНБААТАР
10°
|
09:00
S32
10:00
S32
11:00
S32
12:00
S32
10°
13:00
S32
11°
14:00
S32
11°
15:00
S32
11°
16:00
S32
11°
17:00
S32
10°
18:00
S32
19:00
S31
20:00
S31

Дотооддоо COVID-19-ийн халдвар алдаагүй улс орнуудыг сургуулиудаа хяналт, дэглэмийн дор нээхийг НҮБ-ын ЕНБ-ийн дарга уриалжээ

Р.Оюунцэцэг, IKON.MN
2020 оны 8 сарын 13
iKon.MN
Зураг

Коронавирусийн цар тахлын нөлөөнд өртсөн боловсролын салбарын зогсонги байдлын улмаас бий болж буй хор хохирол хүүхдүүдэд улам их байгааг өмнө нь хөндсөн

Тэгвэл энэ талаар НҮБ ямар байр суурьтай байгааг орчуулан хүргэж байна. 



-COVID-19 цар тахлын үед боловсрол олгоход чиглэсэн шийдэмгий алхмуудыг НҮБ-ын ЕНБ-ийн дарга тодорхойлов-

Хувь хүний хөгжил, ирээдүйн нийгмийг боловсрол тодорхойлдог”. 

Дэлхий нийтийг хамарсан “Ирээдүйгээ аварцгаая” кампанит ажлын хүрээнд бодлогоо товч танилцуулах үеэрээ НҮБ-ын Ерөнхий нарийн бичгийн дарга Антонио Гуттерес дээрх үгийг хэлээд хүүхдүүдийг хичээлд нь явуулахыг зөвлөжээ.  

“Дэлхий нийт тэгш бус байдлын тогтворгүй түвшинтэй нүүр тулаад буй энэ үед тэгш, тэнцвэртэй байдлыг хамгийн сайн хангагч-боловсрол урьд өмнө байгаагүйгээр их хэрэгцээтэй болж байна” хэмээн тэрбээр видео хурлаараа хэлээд “Бид яг одоо хатуу тууштай алхам хийж, ирээдүйдээ нийцсэн хүртээмжтэй, уян хатан, чанартай боловсролын системийг бий болгох ёстой” гэдгийг цохон тэмдэглэжээ. 

COVID-19 ба хичээлийн танхим

НҮБ-ын тооцоолж байгаагаар дэлхий дахинд нэг тэрбум гаруй хүүхэд цар тахлын нөлөөнд орсон байна. 

Энэхүү хямралтай хүнд цаг үед радио, телевиз, цахимаар суралцах үйл явцыг үргэлжлүүлэх хүчин чармайлт гаргасан ч маш олон хүүхэд одоо болтол үр шимийг нь хүртэж чадаагүй байгаа юм. 

НҮБ-ын Ерөнхий нарийн бичгийн дарга хэлэхдээ дээр дурдсан зайны сургалтаас хоцрох хамгийн өндөр эрсдэлтэй бүлэгт дүрвэгчид, нүүлгэн шилжүүлсэн хүмүүс зэрэг цөөнх буюу эмзэг бүлгийн хүүхдүүд багтаж байна. 

Алсын зайн сургалтад хамрагдах боломжтой оюутнууд амжилттай суралцаж чадах эсэх нь тэдний амьдрах орчин, гэрийн үүрэгт ажлыг шударгаар хуваарилах зэрэг бусад хүчин зүйлсээс шалтгаалдаг тул тэдгээр хүүхдүүд бэрхшээлтэй тулгарч байгаа юм.

Айсуй аюул гамшиг

Суралцах явцад цар тахлаас ч өмнө тулгарч байсан нэг аюул бол 250 сая гаруй хүүхэд сургууль завсардсан явдал гэдгийг НҮБ-ын Ерөнхий нарийн бичгийн дарга сануулав. 
Цаашилбал, хөгжиж буй орнуудын дунд сургуулийн хүүхдүүдийн дөрөвний нэг нь суурь чадваргүйгээр сургуулиа төгсдөг. 

“Одоо бид бүхэл бүтэн нэг үед ​​үнэлж баршгүй боломжоо алдан, олон арван жилийн дэвшлийг алдагдуулж, тэгш бус байдлыг дэвэргэсэн гамшигт аюултай нүүр тулах болж байна” хэмээн Гутерес хэлээд “Энэ бүхний нөлөөгөөр хүүхдийн хоол тэжээл, хүүхдийн гэрлэлт болон жендэрийн тэгш байдлын бусад асуудал аюулын харанга дэлдэж байна” гэжээ. 

Сургуульдаа эргэн орох нь

НҮБ-аас дэвшүүлж буй бодлогын хүрээнд цар тахлыг дотооддоо алдаагүй улс орнуудыг сургуулиудаа хяналт, дэглэмийн дор нээхийг НҮБ-ын ерөнхий нарийн бичгийн дарга уриалж буй. Түүнээс гадна цар тахал дэгдэхээс өмнө 1.5 их наяд ам.долларын хөрөнгө оруулалтын дутагдалтай байсан боловсролын салбарт бага болон дундаж хөгжилтэй орнууд одоо улам илүү их хөрөнгө оруулахыг НҮБ-ын ерөнхий нарийн бичгийн дарга мөн уриалав. 

Боловсролын салбарын төсвийг хамгаалах төдийгүй нэмэгдүүлэх хэрэгтэй хэмээн тэрбээр хэлээд “Өрийн менежмент, урамшуулах багц арга хэмжээнээс эхлээд дэлхийн хүмүүнлэгийн уриалга, хөгжлийн албан ёсны тусламж хүртэлх олон улсын эв нэгдлийн хүчин чармайлтын амин сүнс нь боловсрол” гэдгийг онцлон тэмдэглэсэн байна.  

Боловсролын санаачилга нь хоцрогдох эрсдэлтэй хүмүүст чиглэсэн байх ёстой гэж тэрбээр үргэлжлүүлэв. Ялангуяа, охид, хөвгүүд, эмэгтэйчүүд, эрчүүдэд тулгарч буй тодорхой бэрхшээлүүдэд мэдрэмжтэй хандахын зэрэгцээ хүйсийн тэнцвэргүй байдлыг арилгах хэрэгтэй гэж байгаагаа илэрхийлжээ.

Бүгдэд чанартай боловсрол

НҮБ-ын ЕНБ-ийн дарга хамгийн сүүлийн зөвлөмждөө Тогтвортой хөгжлийн зорилтуудын дагуу бүх хүүхдэд чанартай боловсрол олгох "нэг үеийн боломж" гэж үзэж байгаагаа онцоллоо.

Таван жилийн өмнө дэлхийн өндөр хөгжилтэй орнуудын тэргүүнүүдийн хамтран баталсан 17 зорилго нь хүн төрөлхтөнд төдийгүй дэлхийд үр ашгаа өгөх илүү тогтвортой ирээдүйд хүрэх зам билээ. 

“Энэхүү зорилтыг биелүүлэхийн тулд бид цахим боловсрол болон дэд бүтцэд илүү их хөрөнгө оруулах, сурч мэдэхэд үйл явцад хувьсгал хийх, насан туршийн боловсролыг шинэчлэх, албан болон албан бус боловсролын уялдаа холбоог сайжруулах зэрэг шаардлагатай байна” хэмээн Гуттерес хэлэв. 

“Түүнчлэн боловсролыг түгээх уян хатан аргуудаас гадна багш, олон нийтэд тогтмол дэмжлэг үзүүлж, эрч хүчтэй заах арга, дижитал технологи, орчин үеийн боловсруулсан сургалтын хөтөлбөрийг нэвтрүүлэх хэрэгтэй” гэжээ.

 

Эх сурвалж: UN

x