Уншиж байна ...
Зураг
Зураг
ХУУЧИРСАН МЭДЭЭ: 2020/07/28-НД НИЙТЛЭГДСЭН

Солонгосын дайн завсарласны түүхэн ойг тохиолдуулан Ким Жон Ун генералууддаа гар буу бэлэглэжээ

Р.Төмөр, ikon.mn
2020 оны 7 сарын 28
iKon.MN
Зураг зураг

Өчигдөр буюу Даваа гараг нь Солонгосын дайн гал зогсоох гэрээгээр завсарласны 67 жилийн ойн өдөр байв.

Энэхүү гэрээний үр дүнд 1950-1953 онд үргэлжилсэн дайн зогсож, Солонгосын хойг хоёр хуваагдсан юм. Түүхэн ойг тохиолдуулан Умард Солонгосын удирдагч Ким Жон Ун өөртөө үнэнч генералуудад цоо шинэ гар буу бэлэглэсэн тухай тус улсын төв хэвлэл мэдээлжээ.

Нийтдээ 20 гаруй армийн өндөр албан тушаалтнууд энэхүү бэлгийг гардаж авсан байна.

Өнгөрсөн долоо хоногийн сүүлээр Умард Солонгост коронавирусийн анхны тохиолдол илэрсэн тухай мэдээлсэн юм. Гэтэл өчигдрийн үйл явдлын үеэр ганц ч хүн амны хаалт зүүгээгүй байсан нь мэдээний гэрэл зургаас харагдаж байна.

Харин Өмнөд Солонгост болсон ёслолын үеэр оролцсон ахмад дайчид бүгд амны хаалт зүүж, хоорондоо зайтай сууцгааж байжээ.

Гурван жил үргэлжилсэн Солонгосын дайн 1953 оны долдугаар сарын 27-нд зурагдсан гал зогсоох гэрээгээр завсарласан ч талууд өнөөдрийг хүртэл энхийн гэрээ байгуулаагүй юм.

Тэр цагаас хойш Умард Солонгосын эрх баригчид цөмийн зэвсгээр тасралтгүй хөөцөлдөж байгаа бол Өмнөд Солонгост АНУ-ын 28,500 цэрэгтэй бааз байрлаж байна.

 

Эх сурвалж: AFP