"Замын-Үүдийн боомтоор Хөх хотод эмчлэгдэж байсан булчин, гялтангийн идээт үрэвсэл, үжилтэй маш хүнд иргэнээ авсан"
Эрүүл мэндийн яамнаас коронавирустэй холбоотой ээлжит мэдээллээ хүргэх үеэр тусгаарлалтад буй хүмүүсийн болон бусад асуудлаар ЭМЯ-ны Эмнэлгийн тусламжийн газрын дарга Я.Буянжаргал мэдээлэл өглөө.
Тэрбээр "Өнөөдрийн байдлаар эмнэлгийн тусламж үйлчилгээ хэвийн явагдаж байна. Одоогийн байдлаар тусгаарлах байранд 750 иргэн ажиглалтад бий бөгөөд хамт 114 эмч, эмнэлгийн мэргэжилтэн тус иргэдэд тусламж, үйлчилгээ үзүүлэн ажиллаж байна.
21 хоногийн хугацаа нь дууссан ч биеийн байдал нь хүнд нэг иргэнийг ар гэрийнх нь хүсэлтээр Цэргийн төв эмнэлэгийн эрчимт эмчилгээний тасагт үлдээж, гэрээр тусгаарлагдах 14 хоногийн тусгаарлалтыг нь үргэлжлүүлж байгаа билээ. Энэ иргэнд вируслогийн шинжилгээгээр коронавирус илрээгүй.
Өчигдөр орой Замын-Үүдийн хилийн боомтоор БНХАУ-ын Хөх хотод эмчлэгдэж байсан булчин, гялтангийн идээт үрэвсэлтэй, үжилтэй маш хүнд иргэнээ хүлээж авсан. Тус иргэн нь хятадад 17 удаагийн жижиг мэс ажилбар хийлгэсэн ба биеийн байдал нь хүнд байгаа. Замын-Үүдийн нэгдсэн эмнэлэгт тусгаарлан, ажиглаж байна. Вируслогийн шинжилгээг нь ХӨСҮТ рүү илгээсэн ба нэгдүгээр төв эмнэлэг, ГССҮТ-ийн мэргэжлийн эмч нараас зөвлөгөө аваад явж байна.
Гэрийн тусгаарлалтад нийслэлийн хэмжээнд 856 иргэн ажиглагдаж байгаа билээ. 126 өрхийн эрүүл мэндийн төв ажиглах, зөвлөгөө хийх ажлыг эдгээр хүмүүст хийж буйг мөн хэлье.
Бид эмнэлгийн тусламж үйлчилгээний хувьд илрүүл, оношил, тусгаарла, эмчил гэсэн ДЭМБ-аас өгч буй зөвлөмжийн дагуу ажиллаж байна.
Мөн зорилтот болон эрсдэлт бүлгийн хүн амын дунд санамсаргүй түүврийн аргаар шинжилгээ хийж байгаа.
Тусгай үүргийн онгоцыг хүлээж авахдаа нислэгийн багт ажиллах эмчийг томилсон бөгөөд эрүүл мэндийн байгууллагууд, тусгаарлах байруудын бэлэн байдлыг хангаж, тэнд ажиллах эмч, эмнэлгийн мэргэжилтнүүдээ томилж, дадлагажуулсан. Бид бүх үйл ажиллагаагаа төрийн бусад бүх байгууллагуудтай хамтарч хийж буй билээ.
Бид байнга дадлага сургуулилт хийж ирсэн бөгөөд урьдчилсан байдлаар тавдугаар сарын эхний долоо хоногт дахин сургуулилт хийх чиглэл гарсан. Гэхдээ цагийн нөхцөл байдал, даалгавар нь яаж ирэхийг мэдэхгүй. Энэхүү хээрийн эмнэлэг нь аливаа өвчин эмгэгийн үед 30-50 хүнд эмнэлгийн тусламж үйлчилгээг үзүүлэх боломжтой, мэс засал, эрчимт эмчилгээ, дүрс оношилгооны хэсгүүдээс бүрдсэн, ханын хүчилтөрөгчийн хангамж, ариутгал халдваргүйтгэлийн хэсэг, агааржуулалтын систем, цэвэр бохир усны хангамжийг бүрэн шийдвэрлэсэн эмнэлэг" гэв.
Эрүүл мэндийн салбарын хүний нөөцийн хувьд 2019 оны сүүлийн байдлаар нийт 54,687 эмч, эмнэлгийн мэргэжилтэн, эрүүл мэндийн ажилтан ажиллаж байгаа аж. Үүнээс,
- Сувилагч,12,773
- Эмч 11,788
"Өөрөөр хэлбэл, 92.5 хувь нь эрүүл мэндийн салбарт, үлдсэн 7.5 хувь нь бусад салбарт ажиллаж буй хэрэг. Хэрэв цар тахал хүн амын дунд тархвал хэнийг хэн орлох зэрэг бүх томилгоог хийсэн бөгөөд үүнтэй холбоотойгоор дадлагажуулах сургалт, үнэлгээгээ хийгдэж байгаа.
Коронавирусийн халдвартай хүмүүсийн 88 хувьд нь халуурах шинж тэмдэг илэрсэн. Мөн хуурай ханиалгах, булчин өвдөх, толгой өвдөх, суулгах, дотор эвгүйрэх, бөөлжих, амтлах үнэрлэх эрхтний мэдрэхүй алдах зэрэг шинж тэмдгүүд илэрч байгаа ба сүүлийн үед толгой эргэж байна гэсэн зовуур зарим судалгааны мэдээлэлд гарсан.
Манайд өвдсөн тохиолдлуудын шинж тэмдэг нь балархай яваад байгаа. Энэ нь магадгүй бидний оношилгоо эрт байгаатай холбоотой байх.
Гэхдээ Монголчуудад хоол боловсруулах замын буюу дотор нь муухайрах, бөөлжих, суулгах зэрэг шинж тэмдгүүд бусад улстай харьцуулахад давамгай байгаа нь ажиглагдсанТа бүхэн эмчилгээнүүд эцэслэгдэж гараагүй байгааг мэднэ. Гэсэн хэдий ч бид аль болох сорьцондоо тулгуурлан, дээрээс өгч байгаа заавар зөвлөмжийн дагуу эмчилгээ хийж байгаа" гэдгийг тэрбээр нэмж хэлсэн юм.
