Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсын хэмжээнд өнөөдрийн байдлаар улаанбурхан өвчний халдварын 13,315 тохиолдол бүртгэгдсэнийг Нийгмийн Эрүүл Мэндийн Үндэсний Төв (НЭМҮТ)-өөс мэдээллээ. 

Улаанбурхан өвчин нь халдварлалт өндөртэй, хүндэрвэл амь насанд аюултай бөгөөд аль ч насны хүн өвчлөх эрсдэлтэй.

Иймд албан ёсны эх сурвалжаас үнэн зөв мэдээллийг авч, нэмэлт дархлаажуулалтад хамрагдаж, өвчний шинж тэмдэг илэрвэл яаралтай эмнэлгийн байгууллагад хандах хэрэгтэйг зөвлөж байна. 

Улаанбурхан өвчнөөс сэргийлэх арга хэмжээ:

• Биеийн эсэргүүцлээ сайжруулж, дархлаагаа дэмжин ажил амралтаа зохицуулж, чанартай хоол хүнс хэрэглэх
• Онцын шаардлагагүй үед олон нийтийн газраар өөрөө болон бага насны хүүхдийг авч явахгүй
• Олон нийтийг хамарсан арга хэмжээнд орохгүй байх нь урьдчилан сэргийлэх арга хэмжээ юм.