"Тарваган тахал авах эрсдэл бүхий үйлдэл хийгээд өндөр халуурсан тохиолдолд тарвагатай ойртсон, идсэн гэх үнэнээ хэлэх хэрэгтэй"
Тарваган тахал нь нянгаар үүсгэгддэг цочмог халдварт өвчин бөгөөд Монгол оронд 17 аймгийн 137 сумд тарваган тахлын голомттой гэж үздэг байна.
Зоонозын өвчин судлалын үндэсний төвөөс өгсөн мэдээллээр сүүлийн 10 жилд тарваган тахлын нийт 20 хүний өвчлөл бүртгэгдсэнээс 9 нь нас баржээ. Тарваган тахлаар өвчилсөн хүмүүс тарвагыг агнах, өвчих үедээ шууд халдвар авсан байна. Тарваганы шүүрхий бүтээгдэхүүн идэх, тарваганы бөөс бүүрэгт хазуулах зэрэг замаар халдвар авсан байдаг аж.
Өвчлөлийн нууц хугацаа нь 2-3 хоног, өндөр халуурах булчирхай томрох шинж тэмдгүүд эхэлж илэрдэг байна. Иймд тарваганы түүхий, шүүрхий бүтээгдэхүүн хэрэглэх болон хөдөлгөөн нь муудсан, нохой зууж ирсэн тарвагатай ойртохгүй байхыг анхаарууллаа.
Хэрэв тарваган тахал авах эрсдэл бүхий үйлдэл хийгээд өндөр халуурсан тохиолдолд тарвагатай ойртсон, идсэн гэх үнэнээ хэлэх нь халдвар цааш тархахгүй байхад чухал нөлөөтэй гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
