Францын жүдогийн од бараг 10 жил босоо байсны эцэст ялагдлаа
Францын жүдо бөхийн од Тэдди Ринер өчигдөр Парисын Их дуулгын тэмцээний гуравдугаар тойргийн барилдаанд ялагдсанаар бараг 10 жил үргэлжилсэн ялалтын цувралаа зогсоолоо.
Японы тамирчин Кокоро Кагуэра алтан онооны төлөө барилдааны 40 дэх секундэд Ринерийг учи-мата-сукаши мэхээр ялсан байна.
Олимпийн хоёр удаагийн аварга, дэлхийн 10 удаагийн аварга Тэдди Ринер 2010 оны есдүгээр сараас хойш 154 дараалан ялаад байсан юм.
Одоо 30 настай Ринер энэ зун болох Токио 2020 Олимпийн наадамд оролцож, олимпийн аваргаа хамгаалах төлөвлөгөөтэй байгаа. Хэрвээ ингэж чадвал тэр Японы хөнгөн жингийн жүдоч Тадахиро Номурагийн гурван олимп дараалж алтан медаль зүүсэн амжилтыг давтах юм. Ринер нэмэх 100 кг-ийн жинд барилддаг.
Тэдди Ринер 1989 онд Карибын тэнгис дэх Францын газар нутаг болох Гуаделупын аралд төржээ. Эцэг эх нь тус арал дээр амарч явахад төрсөн гэдэг.
Парис хотод өссөн Ринер багаасаа олон төрлийн спортоор хичээллэж байжээ. Гэхдээ тэр багийн спортын үр дүн өөрөөс нь шууд хамаарахгүй тул зөвхөн өөрийн хүчинд найддаг төрлийг илүүд үзэж, жүдо бөхийг сонгосон байна.
Эх сурвалж: CNN
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
22 СЭТГЭГДЭЛТЭЙ
|
