Ерөнхий сайдад итгэл хүлээлгэх эсэх асуудлыг өнөөдөр байнгын хороо, чуулганаар хэлэлцэн шийднэ
Ерөнхий сайд Л.Оюун-Эрдэнэ өөрт нь итгэл хүлээлгэх эсэх асуудлыг өнгөрөгч Лхагва гарагт УИХ-д оруулсан.
Монгол Улсын Их Хурлын чуулганы хуралдааны дэгийн тухайн хуульд итгэл хүлээлгэх эсэх асуудлыг парламентад оруулснаас хойш 3 хоногийн дараа байнгын хороогоор хэлэлцэж эхэлнэ хэмээн заасан байдаг. Энэ дагуу өнөөдөр 12:00 цагт товлогдсон Төрийн байгуулалтын байнгын хороогоор уг асуудлыг хэлэлцэнэ.
Үүний дараа үргэлжлүүлэн 14:00 цагт чуулганы нэгдсэн хуралдаанаар Ерөнхий сайдад итгэл хүлээлгэх эсэхийг хэлэлцэн шийдэхээр болжээ.
УИХ-ын нийт гишүүний олонхын саналаар итгэл хүлээлгэх асуудлыг дэмжвэл Л.Оюун-Эрдэнэ ажлаа үргэлжлүүлэн хийж, эсрэг санал өгсөн гишүүн олонх болбол түүнийг огцорсонд тооцож, шинэ Ерөнхий сайдыг 30 хоногийн дотор томилох ёстой билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
