ФОТО: Туркменистан Улсын Ерөнхийлөгч Сердар Бердымухамедовын айлчлал албан ёсоор эхэллээ

Э.Тэмүүлэн, iKon.mn

2025 оны 6 сарын 2

IKON.MN

Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсын Ерөнхийлөгч Ухнаагийн Хүрэлсүхийн урилгаар Туркменистан Улсын Ерөнхийлөгч Сердар Бердымухамедов Монгол Улсад хийж буй төрийн айлчлал албан ёсоор эхэллээ.

Түүнийг Монгол Улсын Ерөнхийлөгч У.Хүрэлсүх өнөөдөр Сүхбаатарын талбайд угтаж авсан юм.

Туркменистан Улсын Ерөнхийлөгчийн түвшинд анх удаа хэрэгжиж буй энэхүү төрийн айлчлалын үеэр талууд хоёр улсын харилцааны эрх зүйн үндсийг бэхжүүлж, худалдаа, эдийн засаг, хөнгөн үйлдвэр, шинжлэх ухаан, боловсрол, соёл, эрүүл мэнд зэрэг салбарын хамтын ажиллагааг өргөжүүлэн хөгжүүлэхэд жинтэй хувь нэмэр оруулах Засгийн газар болон байгууллага хоорондын баримт бичгүүдийг байгуулна.

Түүнчлэн айлчлалын хүрээнд Монгол, Туркменистаны бизнес форум, туркменистаны гар урлал, хивсний үзэсгэлэн, худалдаа болон соёлын хамтарсан тоглолтыг зохион байгуулах юм.

Туркменистан Улсын гурав дахь ерөнхийлөгч Сердар Бердымухамедов өдгөө 43 настай. Тэрбээр 2022 оноос улсынхаа ерөнхийлөгчөөр томилогдсон.

ФОТО

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!