"Нийслэлийн Үйлчилгээний Нэгдсэн Төвүүд өнөөдрөөс эхлэн 07:00-16:00 цаг хүртэл ажиллана"
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Улаанбаатар хотын төр, захиргааны байгууллагуудын ажил өнөөдрөөс 07:00 цагт эхэлж, 16:00 цагт тардаг болж байна. Уг зохицуулалт 2025 оны наймдугаар сарын 31-ний өдрийг дуустал үргэлжилнэ.
НЗДТГ-ын хэвлэлийн хэлтсээс лавласнаар Нийслэлийн Үйлчилгээний Нэгдсэн Төвүүд/НҮНТ/ ч дээрх цагийн хуваарийн дагуу буюу 07:00-16:00 цагийн хооронд ажиллах юм байна.
Нэгдсэн төвүүд 632 нэр төрлийн үйлчилгээг есөн дүүргийн болон орон нутгийн иргэдэд харьяалал харгалзахгүй үзүүлдэг бөгөөд зургаан салбартай.
- Баянзүрх дүүрэг, Дүнжингарав салбар /7575-1200/
- Сонгинохайрхан дүүрэг, Драгон салбар /7577-1200/
- Хан-Уул дүүрэг, Мишээл салбар /7585-1200/
- Баянгол салбар /7505-1200/
- Сонгинохайрхан дүүрэг, Баянхошуу салбар /7510-1200/
- Нийслэлийн Жижиг, дунд үйлдвэр, үйлчилгээ эрхлэгчдийн хөгжлийн төв салбар /7585-1300/
- үйл ажиллагаа явуулж байгаа билээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
