"1001 шөнийн үлгэр"-ийн ордон Катарын Эмирт очлоо
Үл хөдлөх хөрөнгийн зах зээлд маш томд тооцогдох нэгэн арилжааг Катарын Эмир Тамим бен Хамад Аль Тани хийжээ. 33 настай Эмир энэ удаа Мароккод гайхамшигтай том ордон худалдаж авсан гэнэ.
Гурван зуун сая ам.долларын үнэ хүрсэн уг ордон 2011 онд тэнгэрт хальсан Саудын Арабын ханхүү Султан ибн Абдель Азиз Аль Саудын өмч байсан юм.
Атлантын далайн эрэгт Агадир, Тагазут гэж амралт зугаалгын хотын дунд орших султаны ордон тансаг, гоёмсгоороо алдартай.
Тиймдээ ч хэвлэлийнхэн энэ ордныг “Мянга нэгэн шөнийн үлгэр”-ийн хэмээн нэрлэдэг аж.
Одоо энэ гайхамшиг Катарын залуу хаан Тамимын мэдэлд очсон бөгөөд түүнийг өнгөрсөн зургадугаар сард төр тэргүүлэх үүргээ хүүдээ шилжүүлсэн Хамад бен Халиф Аль Танигийн амарч, зугаацах газар болгохоор сонгосон гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
