Уншиж байна ...
Зураг
Зураг
ХУУЧИРСАН МЭДЭЭ: 2019/07/05-НД НИЙТЛЭГДСЭН

Хятадын томоохон хотод “Бээжин бикини”-г хоригложээ

Э.Сэмүүн, ikon.mn
2019 оны 7 сарын 5
iKon.MN
Зураг зураг
00:00 00:00
Хятадын томоохон хотод “Бээжин бикини”-г хоригложээ
Sara, ikon.mn - text to speech

Жил бүрийн зун Хятадын хотуудад бүгчим халуун болоход сэрүүцэхийн тулд цамцаа дээш сөхсөн дунд насны эрчүүд олноор явж байгаа харагддаг.

 Гадаадын жуулчид энэ үзэгдлийг “Beijing bikini” гэж нэрлэх болжээ.

Тэгвэл өнгөрсөн Мягмар гарагт зүүн Хятадын 8.7 сая оршин суугчтай Жинан хотын захиргаа олон нийтийн газарт цамцаа сөхөж өмсөхийг хориглосон журам гаргасан байна.

Энэ долоо хоногт тус хотод агаарын температур Цельсийн 36 хэм хүрч байгаа юм.

Олон нийтийн газарт цамцаа сөхөж өмсөх, цээж нүцгэн явах нь “соёлгүй бүдүүлэг үйлдэл” гээд ийм үзэгдэл хотынх нь нэр хүндийг унагаж байгааг Жинан хотын захиргаа анхааруулсан байна.

Зохисгүй хувцаслалтаас гадна нийтийн гудамж талбайд хэрүүл зодоон хийх, дарааллын урдуур дайрах, хог хаях зэрэг үзэгдлүүдийг хатуу хориглож байгааг уг мэдэгдэлд өгүүлжээ.

Зөвхөн Жинан хот биш, далайн боомт Тяньжин хотод энэ оны эхнээс олон нийтийн газар цээж нүцгэн явахыг хориглох болсон юм.

 

Эх сурвалж: CNN