ЖДҮХС-гаас зээл авсан Ш.Лхамсүрэн, Ц.Ням-Осор, Д.Баярсайхан, Ц.Амарсанаа нар ажлаа өглөө

Зүүн гар талаас: Ц.Ням-Осор, Ш.Лхамсүрэн, Д.Баярсайхан, Ц.Амарсанаа /эвлүүлэг зураг/

Ерөнхий сайдын тавьсан шаардлагын дагуу Жижиг, дунд үйлдвэрийг хөгжүүлэх сантай холбогдсон Засгийн газрын харьяа гурван байгууллагын удирдлага болон БХБ-ын дэд сайд нар өнөөдөр ажлаа өглөө.

Тодруулбал, Ерөнхий сайд У.Хүрэлсүх ЖДҮХС-гаас зээл авсан:

• БХБ-ын дэд сайд Ш.Лхамсүрэн,
• УБЦТС ТӨХК-ийн Захирлуудын зөвлөлийн дарга бөгөөд Гүйцэтгэх захирал Д.Баярсайхан,
• Төрийн өмчийн бодлого, зохицуулалтын газрын дарга Ц.Ням-Осор,
• "Барилгын хөгжлийн төв" ТӨҮГ-ын захирал Ц.Амарсанаа нарыг албан тушаалаасаа өөрийн хүсэлтээр чөлөөлөгдөх шаардлага тавиад байсан юм.

Одоогоор УИХ-ын 13 гишүүн, хоёр сайд, нэг дэд сайд болон тагнуул, прокурор, аудит, мэргэжлийн хяналт зэрэг хууль хэрэгжүүлдэг байгууллагуудын нэр бүхий албан тушаалтнууд ЖДҮХС-гаас зээл авсан нь тодорхой болоод байгаа билээ.